抵食又足料～蛋控芝士控留意！九龍灣超有誠意蒲燒鰻魚芝士蛋包鐵板飯～明太子玉子燒期間優惠限定28蚊！

住九龍灣既朋友一定聽過呢間秋月居啦，店舖「秋月居」主打日式食物，最吸引就係呢個浦燒鰻魚芝士蛋包飯鐵板飯，有超級邪惡既芝士撲滿成個鐵板，好正呀！

蒲燒鰻魚芝士蛋包鐵板飯（＄78），價錢唔算貴，而且好足料，芝士同鰻魚既份量都好多，蛋又夠厚～！

鰻魚燒得好香，每咬一啖，就有飯、蛋、芝士撈埋一齊，感覺特別滿足。

鐵板上又可以保持食物溫度，上菜個時芝士剛剛保持熱融既狀態，拉絲無難度啦～！

超厚燒芝士玉子蛋 $28，玉子真係好夠，燒中間有少量飯，面層有火灸，簡直係蛋控既最愛！

呢兩件玉子燒都幾大件架，玉子燒中間包住飯同芝士，加左少少沙律醬係面，所以食落口，除左食到玉子既甜味，仲會有沙律醬味，味道幾夾～

店舖最近仲推出會員優惠，28蚊就可以食到呢個明太子燒，面層有彈牙既魚子、蔥花同埋沙律醬，裏面有芝士同豚肉，又係超足料，28蚊呢個價錢好抵食呀！

碰碰秋月居沙律，聽個名同埋睇個賣相都覺得好得意，中間係圓柱形既炸麵，好想好脆，而旁邊係沙律，中和返炸麵既肥膩感～

秋月居都有好多cocktail調酒飲品，例如呢個朦朧的肚臍，有煙霧彌漫既感覺，味道較甜容易入口，仲要29蚊咋～調酒飲品來講真係算平！

分店地址：牛頭角牛頭角道3號得寶商場地下A2舖；大埔汀角路13號啟昌樓地舖
電話號碼：2668 2503
營業時間：星期一至四12:00-15:00 18:00-00:00
星期五至日:12:00-00:00

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
*本文章的圖片均經其本人或其公司授權，其他媒體不得轉載

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）