金像獎2024｜梁朝偉劉嘉玲致謝辭狂爆金句！神對話全場爆笑！

娛樂新聞

By Jennifer on 15 Apr 2024

Digital Editor

今晚食乜餸：小二，嚟一碟花生！

《第42屆香港電影金像獎》完滿結束，梁朝偉憑《金手指》第六度封影帝，雖然佢入圍12次，但原來對上一次攞「最佳男主角」已經係19年前！偉仔未有出席頒獎禮但都有通過視像發表得獎感言，佢同老婆劉嘉玲嘅對話更掀起熱議！

Photo from ViuTV

梁朝偉早前已先奪得《2023年度香港電影導演會年度大獎》「最佳男主角」，當時被問到有無信心拎埋金像獎，偉仔就表示：「是旦啦！平常心。（破紀錄喎攞6次！）求其啦！」

Photo from 劉嘉玲微博

佢事先已表明因為身在國外，未能出席《金像獎》，而劉嘉玲則有現身頒獎禮並擔任「最佳新演員」嘅頒獎嘉賓。嘉玲姐戴上巨型金龍蝦出席，十分搶眼！有網民笑稱佢致敬《與龍共舞》葉德嫻嘅龍蝦look。

Photo from ViuTV

Photo from 《與龍共舞》劇照

梁朝偉曾5度封帝，當晚「最佳男主角」競爭激烈，最終偉仔成功第6度登上影帝寶座，亦係佢自2005年憑《2046》奪得「最佳男主角」後，事隔19年再度封帝。由於梁朝偉未有出席頒獎禮，由佢太太劉嘉玲上台代為領獎。

Photo from ViuTV

Photo from 劉嘉玲微博

梁朝偉向來係「社交恐懼症」同「I人」代表，而老婆劉嘉玲則一直喺身邊要佢同傳媒交流下，今次金像獎兩人嘅對話再度成為話題，先係劉嘉玲叫梁朝偉「講啲嘢」，偉仔表示好耐無喺金像獎攞過獎，所以都好開心。之後佢指：「係咪依家開始講得獎感受㗎喇？」更稱呼老婆做「嘉玲姐」，令全場爆笑！

Photo from TVB

Photo from ViuTV

偉仔先後多謝金像獎、提名人，英皇娛樂楊老闆、導演莊文強、監製等台前幕後工作人員，佢不忘多謝太太劉嘉玲：「仲有......梗係要多謝你啦！」劉嘉玲聞言回應：「你係多謝我，定係袁詠儀，定係劉青雲（即古天樂）呀？」偉仔再回：「多謝你呀嘛嘉玲姐！」佢隨後再打斷劉嘉玲：「你等我講埋先！我未講完！」

Photo from 劉嘉玲微博

當偉仔講晒感言後，劉嘉玲即表示：「我想講兩句呀！得唔得呀梁朝偉？」偉仔稱：「得得得！」嘉玲姐就開始護夫：「我知道梁朝偉一攞獎呢好多人就會話：『唔係呀嘛？！又係佢呀？畀啲機會人啦！』咁但係我咁多年喺佢身邊，我覺得梁朝偉真係一個好偉大嘅演員嚟。」社恐嘅梁朝偉聞言回應：「千祈唔好咁講，好演員係OK但偉大就......」

Photo from 劉嘉玲微博

但嘉玲姐繼續大讚老公：「我覺得一個演員佢可能付出100分嘅努力、200分嘅努力，但梁朝偉先生係付出咗500、1000分嘅努力」，偉仔再回：「唔係，我覺得大家都付出咗好多努力嘅！」嘉玲姐：「我覺得我哋香港有個咁偉大嘅演員我哋應該值得驕傲」，偉仔再神回：「唔係偉大囉都話！好演員OK啦，唔係偉大呀！」再令全場爆笑。