去日本嘅朋友可以參考下！東京富士山河口湖超靚景色～沿途仲有富士急樂園～

香港人去日本旅行，分分鍾仲密過番自己鄉下。而去東京嘅，都係想去睇吓富士山～今日小編就為大家介紹去睇富士山必經嘅河口湖！下次去東京唔洗得shopping食野，都可以嚟個觀光團啦～
Photo from Instagram

河口湖係富士五湖中最多景點嘅地方，唔單可以睇到富士山嘅絕佳嘅景色，係河口湖周邊，仲有好多嘅觀光設施。下次唔洗諗唔到去邊，可以跟下面景點逐個逐個check point啊～包你可以影10萬張相！
Photo from Instagram

1)．河口湖復古巴士

呢架可愛嘅黃色牛頭巴士，從富士急行線河口湖車站連結「河口湖香草館」、「河口湖美術館」、「音樂盒森林」、「河口湖遊覽船」同「天上山纜車」等等觀光景點。唔想行嘅懶人，都可以搭巴士，遊覽一個個景點。
Photo from 富士急行官網

地址： 山梨縣南都留郡富士河口湖町

交通： 富士急行河口湖線河口湖站下車

2)．音樂盒森林
通常去河口湖浸溫泉同睇富士山嘅人，都會順便到音樂盒森林行下。呢度擁有全世界最大嘅音樂盒，同埋滿滿嘅音樂盒相關歷史同知識。
Photo from 河口湖オルゴールの森@Facebook

演奏時間係每一小時一次，每次約20分鐘。不過每次演奏嘅琴都唔一樣，想知個日有咩琴演奏，可以問下當日嘅職員～
Photo from 河口湖オルゴールの森@Facebook

但唔洗怕，如果你對音樂無太大興趣，一樣可以嚟園區內行下relax吓，因為係呢度，你可以享受一下被大自然包圍住嘅人造森林。女朋友一定好開心～記得著靚靚，因為呢度就好似一個童話故事一樣，可以影相打卡架！
Photo from 河口湖オルゴールの森@Facebook

地址： 山梨縣南都留郡富士河口湖河口3077-20

交通： 復古巴士只要19-24分鐘，在Ukai音樂盒森林站下車

3)．富士急樂園

貝有日本代表嘅遊樂園！係呢度可以一邊睇眼前雄偉嘅富士山，一邊玩刺激嘅遊戲～
Photo from Instagram
雖然呢度都有適合家庭嘅遊樂設施，不過怕機動遊戲嘅人士要小心啦～因為呢度亦有好多世界記錄級別嘅4個瘋狂過山車～大家可以親身體驗～諗起都覺得驚驚啊！
Photo from Instagram
Photo from Instagram

地址：山梨縣富士吉田市新西原5-6-1

交通：富士急行河口湖線富士急樂園站下車

4)．天上山公園Kachikachi山纜車

去河口湖，點少得搭纜車去山頂俯視河口湖，富士山或者南阿爾卑斯山嘅絕佳景色？抵達山頂只需要3分鐘，一諗到可以係1,075米嘅展望台欣賞360度全景嘅富士山同河口湖全景，小編就覺得好興奮！
Photo from 天上山公園纜車官網

但大家都要留意纜車嘅首班同尾班車啊～唔好miss咗要行番落嚟～ 10月16日開始，尾班車會改至17:10 ，大家要留意啦！
Photo from 天上山公園纜車官網

地址： 山梨縣南都留郡富士河口湖淺川1163-1

交通： 富士急行河口湖線河口湖站坐富士急山梨巴士前往佩蒂特村，甲府站方面5分鐘，索道入口下車

5）．楓葉節
秋天就到，係河口湖畔仲可以見到多達大約400-500棵嘅紅葉～10月尾去到11月上旬係最盛期～大家都唔好錯過啦～
地點： 富士河口湖町河口湖河口地區中心

咁靚嘅景色～小編真係好想去啊！有無人同小編一樣，好想係富士山下食個富士蘋果！？

Text: Holiday editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編～謝謝～）

*本文章的圖片均經其本人或其公司授權，其他媒體不得轉載