連鎖快餐店走塑轉用紙杯蓋港男呻「似食緊報紙」極多網友中伏有同感！

By Macy Sun on 19 Apr 2024

Digital Editor

首階段管制即棄膠餐具和其他塑膠產品法例將於下周一（4月22日）實施，多間食肆亦已將膠製餐具換成紙製或木製，並陸續停派即棄餐具。但這一改變近期就引起了大量不滿聲音，不少網友在網上大呻使用走塑餐具中伏經歷，而近日更有港男使用過某連鎖快餐店轉用的紙杯蓋後，投訴體驗感極差「似食緊報紙」！

Photo from 《雙生陌生人》劇照

早前，有一名男網友於連登討論區上發帖，並上載自己於某連鎖快餐店堂食的紙杯蓋照片，揶揄該快餐店的紙杯蓋是「世界級」，表示入口觸碰杯蓋時「以為自己食緊報紙」，形容杯蓋不單有異味，質感亦相當奇怪，令他不禁好奇問：「過多10分鐘個杯蓋唔知會唔會爛埋呢？」

Photo from 連登討論區

帖文一出亦馬上引起網友熱烈討論，紛紛留言表示有同感：「諗嗰個有冇親身用過定佢鐘意食報紙」、「紙蓋點X樣飲呀個隻紙仲要係裝湖北雞蛋個隻紙」、「紙飲管飲汽水變咗飲糖水」、「好大陣啲藥材味」、「個質感好難頂」、「之前大學外賣已經轉曬都係用紙/木（餐具），一直都覺得好難用。」

Photo from 連登討論區

而近期網路上其實亦已有不少市民分享使用紙質餐具中伏經歷，有網友早前買外賣使用附送的紙匙羹食麵，怎料麵未食及一半匙羹舀湯位置就已經嚴重變形，變得「溶溶爛爛」難再繼續使用。又有網友於連鎖快餐店購買紅豆冰，嘗試用餐廳提供的紙飲管「篤」穿紅豆冰上膠蓋，然而多次嘗試也不成功，紙飲管前端更因此而嚴重變形，最終要先用牙籤輔助「篤」穿才能飲用，大嘆走塑法例嚴重影響生活！

Photo from Facebook群組「西環變幻時」

Photo from Facebook群組「香港茶餐廳及美食關注組」

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

體力勞動港男收工食飯因汗味被侍應趕走感被歧視出Po求尊重網友反應兩極！

16 Jan 2024

人人每日辛勤工作其實都是為搵兩餐！然而近日卻有一名從事體力勞動工作的港男在網上大呻，指自己早前放工食飯竟然因汗味被侍應嫌棄，令他被逼撤離。辛勞一日飯都無得好好地食令其相當不好受，無奈下他只好在網上大吐苦水，並懇求大家尊重出汗或性質要碰到垃圾的行業，引起網上熱烈討論！

Photo from 《激戰》劇照

近日有一名港男於Facebook群組「飲食黑店大全 (全港食店質素/價錢/服務關注組)」上出Po，指自己從事經常需要「搬搬抬抬」體力勞動的夜班工作。有日通宵工作結束進了位於旺角勝利道的一間餐廳吃早餐，然而期間事主想點餐時卻被一名女侍應拒絕前來落餐，經過事主的位置時更大叫「好臭呀！」，後來只好由另一位男侍應為事主成功下單。但在事主用餐期間就又有另一位職員直指事主「你身上有陣味」要求他「快啲食完離開」，令事主相當難受兼委屈最後只好打包拎走。而事主在文末就表示自己有做地盤的朋友午飯時不時都會遇到被餐廳嫌棄的情況，所以他懇請大家「不要嫌棄一些工作要出汗或做倒垃圾或清潔的人」。

Photo from facebook截圖

而帖文一出亦馬上引起熱烈討論，有人聲援事主並譴責餐廳行為：「我本身係做侍應，我非常喜歡地盤、倒垃圾、裝修佬、紋身人仕，佢哋態度超好，完全無麻煩，永遠吾會扮晒野。依D舖頭遇咗提早拜拜結業」、「開佢名，齊齊杯葛佢，我以前都係開茶餐廳，我最鍾意做地盤佬同三行佬」、「樓主開名，等我去睇下有幾香」、「茶餐廳都要有基本對人禮貌」、「其實人把口最臭」但同時亦有人持不同意見，認為：「如果我係隔離食客，我都頂唔順你成身汗味，唔係話要歧視你，只係純粹衛生同個人感受，但你上綱上線去到道德高地，我個人就唔係好認同」、「如果我係食客，我唔會想有個成陣怪味嘅人坐喺我附近或者同我搭枱」、「做地盤多數沖埋涼先走，我都係體力勞動。一般知自己果日流得汗多都會買外賣」、「我自己大汗我去釣魚開工都會帶多件衫，廢事臭到人，因為我知換轉係我自己都唔會想食食下野聞到，然後下手又坐落我啲汗度。」