姜糖神徒爭執，姜濤直播哽咽道歉！坦言同Anson Lo曾互相唔理解

By Jennifer on 23 Apr 2024

Digital Editor

今晚食乜餸：小二，嚟一碟花生！

人氣男團MIRROR最近完成了美加巡演，但卻遭遇了粉絲之間的衝突。姜濤在IG直播中道歉，並提到希望粉絲們以安全為第一。他也談到了與成員Anson Lo之間的不開心，但現在他們已經成為好朋友了。姜濤雖然只有即將25歲，但他相信自己能夠處理好各種事情，呼籲粉絲們不用擔心他。

Photo from ViuTV

呢排MIRROR喺美加巡迴演唱會，但成員回港時就發生咗fans之間嘅紛爭。據網上片段，姜濤fans「姜糖」同Anson Lo嘅粉絲「神徒」因為喺機場外霸位嘅問題而口角，有指混亂之中甚至有人跌倒受傷，最終事件更驚動警方。

Photo from 網上圖片

事後當事人之一嘅姜濤就透過IG直播回應事件，佢表示希望粉絲喺安全快樂嘅情況下支持佢哋，唔好有爭執或者碰撞，姜濤亦坦言自己同Anson Lo都有商量過解決方法但都唔知應該點做好：「我同佢都唔知點算，有時好灰心。」

Photo from 姜濤IG

而且，姜濤亦坦率地提及佢同Anson Lo之間嘅關係有被相關嘅事件影響：「有為呢啲事而唔開心」，佢承認與Anson Lo出道後有互相唔理解過，但之後明白到粉絲都係因為緊張佢哋，先會發生呢啲事，佢指依家兩人「真係好好嘅朋友」，亦因為佢哋係好朋友，所以對雙方fans發生摩擦更加覺得難過，亦唔知應該點處理。

Photo from 姜濤IG

直播期間姜濤更公開道歉：：「我有做得唔好嘅地方，我喺度同大家道歉。」姜濤亦表示自己即將25歲，已經係一個成熟嘅人，希望粉絲唔使擔心佢，因為佢相信自己能夠處理好各種事情。

Photo from 姜濤IG

其實之前Edan同Anson Lo嘅fans都發生罵戰，Edan被神徒指打斷Anson Lo講嘢，最終Edan就公開道歉，並稱以後唔會亂講嘢，而Anson Lo亦有致歉，又呼籲粉絲和平相處。

Photo from 姜濤IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

MIRROR回港姜糖神徒爭位上演MMA 發生肢體衝突有人受傷報警收場？！

22 Apr 2024

MIRROR昨日（21日）完成美加巡迴演唱會回港，引大批鏡粉提早幾天機場守候霸定位接偶像機。不過期間姜濤與Anson Lo的粉絲「姜糖」和「神徒」就發生衝突，雙方不但為霸位問題互相指罵，更疑似產生肢體碰撞有人受傷，最終要報警收場！

Photo from 姜濤IG

昨日（21日）一班鏡粉提早守候於機場等待MIRROR落機，然而期間「姜糖」與「神徒」就因在機場外霸位問題發生口角，事件中雙方互相指罵，並互相拍片把影片上傳到社交平台上公審對方。當中「姜糖」就斥「神徒」打尖爭頭位、衝向排隊位置的鐵欄外圍，至於「神徒」則指「姜糖」搶電話兼出手打人，雙方各執一詞，場面混亂！

Photo from VIU 截圖

Photo from 網上圖片

而在Anson Lo接受傳媒訪問期間，更有疑似「姜糖」起鬨向Anson Lo大叫「親生仔！」，但由於現場嘈吵，未知當時Anson Lo有否聽見，不過在旁的成員Jeremy就有一度向粉絲做出安靜手勢。

Photo from 網上圖片

而MIRROR經理人花姐亦有被牽連落水，成為Fans洩憤對象，路過時有鏡粉向她大罵「八婆」。其後花姐亦疑因得悉兩批鏡粉產生衝突，隨即在IG出Story指：「我們最喜歡看到的是和諧相處，感謝你們的支持！」，欲開口緩和事件。不過勸說亦無阻事情繼續惡化，混亂間甚至有人跌倒受傷、擦損手腳。最終事件驚動警方，警方在到場後就將兩批Fans分隔等候避免再有進一步磨擦甚至流血事件。