Angelababy被爆新戀情！對象大11歲，十年友情轉變為愛情？！

娛樂新聞

By Jennifer on 23 Apr 2024

Digital Editor

今晚食乜餸：小二，嚟一碟花生！

Angelababy（楊穎）離婚2年，近日竟被爆出新戀情？！對象係同佢一齊合作過《奔跑吧兄弟》嘅李晨。有指因為李晨喺社交平台上表示10年友情轉化成愛情，令兩人熱戀嘅消息喺網上瘋傳！

Photo from 楊穎工作室

Angelababy「解封」後就出席咗香港電影金像獎擔任頒獎嘉賓，佢受訪時就提到兒子小海綿，Angelababy於2022年1月宣佈同內地男星黃曉明離婚，結束7年婚姻。離婚後黃曉明與網紅傳出戀情，而Angelababy則似乎一直維持單身。

Photo from 楊穎工作室

但近日內地卻瘋傳Angelababy嘅新戀情！對象仲係李晨！李晨現年45歲，曾主演內地電視劇《北京愛情故事》，佢同Angelababy喺2014年起一齊以常駐MC嘅身份出演綜藝節目《奔跑吧兄弟》。

Photo from 楊穎工作室

Photo from 《奔跑吧》

李晨之前曾經同張馨予、范冰冰拍拖，佢2017年更向范冰冰求婚成功，但之後范冰冰爆出逃稅事件，直到2019年兩人宣佈分手結束4年情。Baby喺《奔跑吧》同李晨合作多年，但今次兩人傳出戀情係因為有網友指李晨於朋友圈公佈：「10年的友情已轉化為深厚的愛情！」

Photo from 范冰冰微博

Photo from 楊穎工作室

Photo from 《奔跑吧》

之後有指李晨嘅女朋友就係2014年起同佢一齊出演《奔跑吧兄弟》嘅Angelababy，但係有關消息缺乏實質證據，既無兩人私下合照，連李晨朋友圈截圖都無，所以好多網民都覺得呢個消息係謠言。

Photo from 楊穎工作室

Photo from 《奔跑吧》

Angelababy因為「瘋馬秀」事件而被飛出新一季嘅《奔跑吧》，但元老之一嘅李晨則仍然擔任常駐主持。有部分Baby嘅粉絲認為緋聞係《奔跑吧》節目組故意搞噱頭用嚟宣傳新一季節目，而李晨嘅粉絲則認為Baby嘅負面新聞太多配唔上李晨。

Photo from 《奔跑吧》

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

Angelababy遭封殺被爆急售北京5億豪宅！傳求助前夫黃曉明不果事業跌入谷底

25 Oct 2023

Angelababy 早前因涉嫌觀賞法國巴黎《Crazy Horse》表演，引起內地網民不滿，事後更被指遭到內地官方封鎖全面封殺，事業跌入谷底。而近日就有內地媒體爆料稱，Angelababy正出售其價值5億人民幣的北京豪宅，個中原因引來不少猜測！

Photo from Angelababy instagram

Angelababy上月29日被目擊現身巴黎《Crazy Horse》表演現場，朝聖韓國女團BLACKPINK成員Lisa的演出。怎料此舉竟引起內地網民不滿，更惹怒內地官方傳媒，其相關表演、廣告，甚至是其參與綜藝、真人秀等節目都被神奇「P走」。雖然《Crazy Horse》事後亦有為Angelababy澄清，但亦不見事情有好轉，更被各界指已被全面封殺事業跌入谷底。

Photo from 網上圖片

而據內地媒體報導，Angelababy出事後亦有聯絡前夫黃曉明幫忙，而黃曉明也確實看舊情份上，試圖幫前妻度過難關，只可惜這次連黃曉明都束手無撤。

Photo from 黃曉明微博

而事件發生至今近一個月後，近日就再有內地媒體爆料稱Angelababy正在出售其位於北京價值5億5億人民幣的頂級豪宅。據說該豪宅位置屬黃金地段，不僅上下樓層裝修高級奢華，還配有寬敞的私家花園及游泳池。對此，有網友猜測Angelababy疑似事業遇困境，急需周轉資金才不得不急售豪宅。更有人認為她可能因輿論風波準備走佬，離開大陸娛樂圈。