2隻狗狗疑走失自行上巴士尋主人慘被車長趕落車網友反應兩極惹罵戰！

By Macy Sun on 29 Apr 2024

Digital Editor

近日有網友於社交平台上發文，指自己早前乘搭巴士期間遇上2隻一臉不知所措的狗狗，在沒有主人陪同下自行登上巴士，疑似是與主人走失上巴士尋主人，不過2隻狗狗在登上巴士後就被車長趕落車。事件被上傳到網上後車長的行為就隨即引起網友兩極罵戰，有人直指車長無情，更有人贊同車長作法？！

Photo from 《對我而言可愛的她》劇照

昨日（28日）有網友於Facebook群組「真.屯門友」發布多張相片，指自己剛剛乘坐九巴59X到龍門站，發現有兩隻狗狗自行登車，期間未有見主人陪同，遂「希望佢哋搵得返主人啦」。而其後樓主亦補充，指2隻狗狗隨後已被車長趕下車。而從相片中可見，2隻狗狗一直緊貼走到車廂中間，看似不知所措，當時車上坐滿乘客，車長亦正在旁處理事件。至於另一張照片則見到狗狗已經被趕落車，走回行人路上。

Photo from Facebook群組「真.屯門友」

而帖文一出，網民亦紛紛幫狗狗尋主人，最終在發帖1個多小時後樓主就報喜表示主人已找回狗狗。不過事件亦同時引起網友兩極罵戰，有部份網民就對車長趕狗狗下車行為感到不滿，斥責「無人性」、「周全點去諗先抉係冇影響到他人，二係轉車站可能有職員看管，三就算出到九龍總站總通街走，對其他駕駛者或毛孩都安全」、「我覺得如果冇趕下車會好少少，起碼有人睇住安全啲又會call同事幫手睇睇，如果趕落車，會更難揾，喺馬路有咩事更危險」、「恕我不懂，若毛孩不影響乘客，可否不趕下車，離開巴士後，更難找回」。

Photo from Facebook群組「真.屯門友」

另外亦有其他網民反駁，指：「當時隻狗冇人控制住，冇人保證到喺行車期間兩隻狗唔會有任何危險行為，司機唔會冒任何風險，只可以趕落車」、「黐線……下站轉車站喇，係咪要送埋出九龍啊？」、「冇人睇住啲狗，上車有啲危險性㗎喎！」。另外發帖樓主亦有留言表示車長趕狗狗下車是無奈之舉：「無錯，狗狗上到車又見搵唔到主人可能會處於驚慌狀態，如果載左兩狗離開上車位置，狗仔更加會對陌生環境惶恐，仲未計車上乘客可能怕狗。載左去轉車站仲大鑊，一行出去就係高速公路更危險。無可奈何都係應該請兩隻狗落車。Anyway現在主人搵得返就好了」。而根據九巴規定，除了陪同失明人士乘車的導盲犬外，乘客不可攜帶活禽鳥、寵物或其他動物上車。

Photo from 《再見了！小Q》劇照

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

美航空推「狗狗專用」豪華航班與主人同享受頭等艙服務一人一狗單程票價高達4.6萬！

主人出外旅行，獨留狗狗於家中想起都覺得可憐，但若帶同寵物一同旅行，要以「託運行李」方式把牠們安置在飛機貨倉又讓人於心不忍！於是美國巴克航空「BARK Air」近日就宣布推出「狗狗專用」豪華航班，讓狗狗可跟隨主人享受機上頭等艙服務！

Photo from Youtube@BARK

據報，美國紐約一間寵物服務公司「BARK」近日宣布與紐約一間包機公司合作，推出新旅遊服務「BARK Air」進軍航空界，打造優先考慮狗狗的飛行體驗！「BARK Air」首航預訂將於5月23日從紐約的威斯徹斯特郡機場(HPN)出發，飛往的目的地包括洛杉磯的凡奈斯機場(VNY)，以及英國倫敦的斯坦斯特德機場(STN)，主人只要幫狗狗預定好機票，到時候便會有專門的禮賓人員進行聯繫，為每隻狗及其主人量身定制個人化的旅程。