中秋節都可以咁浪漫？快D同摯愛一齊係香港體驗泰國水燈節～期間限定架！

仲有幾日就係中秋節啦～帝景酒店誠意呈獻「泰•浪漫」超值餐飲優惠，亦藉住呢個節日舉辦小型水燈節活動，等你就算係香港，都可以體驗泰國情人節嘅傳統習俗風情，同摯愛度過一個浪漫中秋情人佳節！

Photo from Presslogic

泰國水燈節，亦係情人節，係泰國當地最美麗浪漫嘅節慶，同中國嘅中秋節好相似。今次唔洗飛泰國，都可以係香港感受慶典！呢次活動會係月圓之夜舉行，仲邀得咗「泰國通」之稱嘅胡慧冲先生係中秋佳節 (10月4-5日) ，同大家一齊參與2日1夜嘅水燈節體驗活動，胡慧冲先生仲會同大家分享泰國最新嘅泰好玩資訊！

Photo from 帝景酒店

到時會有好味又豐富嘅自助晚餐！除咗深受食客歡迎嘅凍海鮮無限量供應之外，亦都會提供多款泰式經典美食，包括：泰式沙嗲鍋巴、傳統生菜肉碎沙律、香芧椰汁青口、參吧燒魔鬼魚、蒜茸辣椒燒生蠔同泰式黃咖喱海鮮等等！

Photo from Presslogic

Photo from Presslogic

小編見到每樣食物，都馬上心心眼啊！

Photo from Presslogic

值得一試嘅係泰式沙嗲鍋巴啊～沾上香噴噴嘅醬～真係好好味！好少酒店帶提供嫁～而帝景軒自助午餐同下午茶自助餐，亦都會有8折優惠～中秋節唔洗煩去邊度慶祝，快D帶你嘅屋企人一齊嚟啦～

Photo from Presslogic

Photo from Presslogic

如果覺得食飯仲未夠，帝景酒店當日仲有好多活動可以一齊同朋友玩！同場仲有泰式香薰手作坊，即場教授客人點樣調製適合自己嘅香薰按摩油！

而小編覺得最唔可以錯過嘅重頭戲，就係夜晚7點後嘅放天燈祈福活動！

Photo from Presslogic

月光之下，同愛人、家人一齊親手係蓮花型嘅水燈上寫下祝福同心願，然後一齊放入水中，願厄運隨著流水緩緩飄走，真係好浪漫又好溫馨！小編從未見過夜晚嘅靚嘅泳池～影相都覺得超超超靚啊！

Photo from Presslogic

而為咗增添氣氛，10月5日更加有現時香港非常流行嘅泰拳活動～誠意邀請來自FAC泰拳教練到場，同大家一起體驗泰拳活動同感受地道文化啊～參加FAC泰拳體驗嘅朋友仔，更加有機會赢取禮品！

而酒店依加仲會有「泰•浪漫」住宿計劃！只需$1,788起即可入住指定客房一晚、自助早餐同自助晚餐，真係好適合倆口子或者一家人係海景客房內靜靜賞月。食加預約「泰•浪漫」住宿計劃，仲可享堂食Haagen-Dazs 雪糕火鍋一客，令您滿載甜蜜溫馨滋味。

Photo from Presslogic

仲等！？快D安排下節日，同屋企人一齊嚟啦～

推廣日期︰ 2017年10月4-5日供應
地點 ：香港荃灣汀九青山公路帝景酒店2樓帝景軒
自助晚餐︰ 6:00pm – 8:00pm / 8:30pm – 10:30pm 8折
原價： 成人HK$418 小童/長者 HK$358

Text: Holiday editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編～謝謝～）

*本文章的圖片均經其本人或其公司授權，其他媒體不得轉載