Youtuber遊築地意外錄下「神偷」作案過程 3秒偷走銀包 網友：好難相信發生在日本！
Photo from Youtube截圖
一對來自巴西的YouTuber夫妻Fred Ribeiro與Laryssa Duarte最近到日本旅行，期間前往著名景點築地市場邊逛邊拍攝，怎料卻無意中捕捉到一名扒手偷東西的過程！片中所見，Duarte對著鏡頭講述美食期間，身後突然出一名戴著黑色鴨舌帽、穿白色襯衫的男子，該男子用外套包住遮擋右手，並伸入一名女路人的背包，在3秒之內就偷走錢包，動作看起來相當熟練，而男子身旁亦有一名同樣戴帽的女子陪同，相信二人是同黨。
Photo from Youtube截圖
Photo from Youtube截圖
只見二人作案後若無其事地收起錢包繼續向前走，身邊也無人察覺，期間有望向YouTuber夫妻的鏡頭。而Ribeiro與Duarte也是事後回看影片才發現此事，並重新編輯了「神偷」作案過程放上Threads，呼籲大家就算是在日本也不能鬆懈。
Photo from Youtube截圖
Photo from Youtube截圖
影片公開後就讓不少網民感到驚訝，指日本治安良好的印象完全被打破，感慨就算是到日本，仍不能放鬆警戒：「好難相信這發生在日本」、「有點訝異會在日本街頭看到這畫面」、「其實全世界各個角落都會有小偷」、「想不到築地也有扒手」、「根本神乎其技」、「東京確實有扒手，很少但是有」、「不能將錢包背在背包」，亦有人建議夫妻二人盡快將影片交給警方處理，促調查扒手是否日本人。
>>扒手偷走銀包過程由37:35開始<<
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
歐遊5大防盜注意事項！多人行都會中招！買完奢侈品可以咁做！
24 Apr 2023
隨住各地開始復常，唔少人都趁機出國旅行，不過外國人生路不熟，就算同親友一齊出門都可能會出現意外，以下為大家編選咗歐遊注意事項，畀大家旅行前參考一吓～
Photo from 《時尚惡女：庫伊拉》劇照
財不可外露
歐洲扒手猖獗，一唔小心就會失財物，所以最重要嘅係「財不可露眼」，盡量唔好喺人多嘅露出錢財，去到旅遊區可以將手袋、背包放喺身前；餐廳食飯亦要注意，可以將隨身物放喺身前，以免因顧住玩手機而被偷！同時，大家亦要避免帶冇拉鍊嘅袋出門，除咗坊間售賣嘅防盜包，腰包、掛頸包等都可以保護財物。亦可以用手機掛蠅、自備鎖等工具，以作進一步防護。
Photo from 《姐姐風采依舊》劇照
街頭騙案要留神
除咗扒手，旅行都難免會遇上街頭騙案，天下冇免費嘅午餐，大家最好唔好請路人幫手影相，以免被偷手機或事後被索取攝影費，另外，呢類騙案層出不窮，會有騙徒以義賣、聯署收費，大家都可以事先搜尋當地嘅街頭騙案方式，以作準備。
Photo from 《漫漫長日》劇照
證件、錢財分開放
錢財係身外物，唔見錢事小，但萬一丟失證件就會好麻煩，大家最好將旅遊證件及錢財分開空間放，以將損失減少，或將護照放於酒店鎖起。另外，大家亦可以每日只帶預計花費嘅現金出門，以將損失減到最低。
Photo from 《流星》劇照
睇落要似當地人
去旅行難免會想着得靚啲，但事實上旅客好容易成為賊人目標，大家不妨參考吓當地人嘅穿衣風格，融入當地嘅同時，又可以更貼地感受當地交化，另外，有時唔熟路或會查地圖、問路，而因此暴露遊客身份，因此，大家可以事先查看地圖，做好旅行攻略。
Photo from 《原諒他77次》劇照
安全買奢侈品
唔少人去歐洲國家都會大買特買，不過招搖嘅名牌貨品都好容易被盯上！YouTube上有旅行達人建議，可以將購入嘅貨品放喺自備嘅IKEA袋或布袋中，以免將有品牌名嘅紙袋外露！
Photo from 《Emily in Paris》劇照
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
