HK Express最新行李政策安排寄艙行李全部按件計最平機票不包手提行李！

By Macy Sun on 08 May 2024

Digital Editor

近日網上有傳HK Express（香港快運）將更改行李政策，引起網友熱烈討論！而隨著HK Express官網於今日（8日）凌晨進行系統升級，其機票組合及針對行李限額的政策亦被發現有所更動，全新政策中寄艙行李將需全部按件計，同時最平機票亦不再包手提行李！

Photo from HK Express

據悉，HK Express官網、手機應用程式及微信小程序於已於今日（8日）凌晨完成系統升級。網站重新開放後，航空公司的機票組合及行李限額資訊亦隨之更新，推出了全新票價種類。首先現時最實惠的票種「輕便飛」將不再包括登機行李，相關乘客只可攜帶1件不超過7kg的隨身物品（尺寸必須可放入前方座位下方）上機。而對比以往安排，雖然「一件隨身物品 + 一件登機行李」亦同樣不可超過7kg，但舊機制下乘客就可攜帶手提行李。

Photo from HK Express官網

另外最新行李政策下亦提到，由2024年5月8日起，所有寄艙行李的費用將按件計算。行李額度不能共享或轉讓給其他旅客。如有需要，旅客可以在網上為其預訂添加不超過2件的寄艙行李額。若旅需要加購更多寄艙行李，可直接到機場櫃檯辦理，並支付其額外費用。至於早在5月8日前已進行預定的乘客，則仍可享有航班原預訂的限額。

Photo from HK Express官網

而參考HK Express舊有安排，航空公司對行李數量則無限制，所有收費均按總重量計算。只要不超過乘客所購買的行李重量，行李數量並沒有限制，只是單件行李的重量不得超過 32 公斤。至於被問到「可以與同行旅客分享或轉移行李限額嗎？」過往的官方解答為，購買寄艙行李限額後，限額將不能轉讓、取消或退款。

Photo from HK Express官網

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

飛機師公開長途機瞓覺地方！駕駛艙休息室曝光

16 Feb 2024

搭長途飛機基本上一定會有瞓覺時間，但乘客就可以瞓，10幾個鐘飛行時間機師又點休息？近日有飛機師喺IG分享長途機駕駛艙後嘅休息室，入面好似膠囊旅館咁，呢個客機「神秘空間」掀起唔少網民關注。

Photo from 《特務搞飛機》劇照

最近有一位埃塞俄比亞航空嘅機師，喺Instagram分享咗一段影片，公開呢個特殊休息艙嘅全貌。原來長途航班上會有一個小小嘅空間，裡面設有座位同床位，供機師放鬆短暫休息。咁樣嘅安排係為咗確保機師可以喺空中度過安全又舒適嘅休息時間。

Photo from IG @captain_tewodros

不過有啲網友表示懷疑，佢哋問點解呢個休息區嘅位置咁窄咁細。佢哋擔心機師喺飛行期間無法好好休息。不過根據報導指出，長途航班通常會安排多位機師交替當值，咁樣就可以確保每位機師都有足夠嘅休息時間。而且機師仲話呢個特殊休息艙可以提供高品質嘅休息環境，令佢哋喺飛行期間保持警覺同專注。

Photo from 《衝上雲霄》劇照

Photo from 《衝上雲霄2》劇照

不過，如果你以為機師喺呢個特殊休息艙中度過整個長途飛行嘅時間，那就錯喇！事實上，呢個休息艙通常只會俾機師用來短暫休息，特別係喺長時間飛行嘅時候。

Photo from 《衝上雲霄2》劇照

事實上之前都有空姐分享客機上供機組人員休息嘅地方，成個設計都一樣好似膠囊旅館咁，畀佢哋快速休息補充體力，當時亦有人指有「幽閉恐懼症」嘅話應該用唔到呢個休息室。

Photo from Insider

亦有網民質疑飛機師喺飛機航行期間係咪可以離開駕駛艙瞓覺，國際民用航空組織ICAO準則中允許機師喺飛機到達巡航高度、平飛時間超過2個鐘，自動駕駛時可短暫休息30分鐘，不過有部分國家規定機師唔可以喺駕駛室內入睡，而係要去專門嘅休息室。而一般只有長途飛行中先會有呢個休息間，而且一位機師休息期間仲有其他人負責控制飛機。