翟威廉承認多性伴侶約炮經驗逾10年網友讚夠坦白想拜師！

By Macy Sun on 10 May 2024

Digital Editor

現年39歲的翟威廉2010年參加香港先生選舉，以「八料冠軍」姿態加入TVB，早前宣布離巢與TVB結束13年賓主關係。其在TVB期間多飾演「富二代」、「大奸角」等角色，加上早年被自稱女友的麥貝夷爆出「性伴侶數量驚人」一事，令其「渣男」形象深入民心。而近日他接受傳媒訪問時，居然就突然承認自己多性伴侶，更直認有超過10年約炮經驗，引起網上熱烈討論！

Photo from 電視截圖

Photo from 翟威廉IG

早在2021年，翟威廉就被自稱女友的麥貝夷爆料私生活混亂，控訴男方「性伴侶數量多得驚人」，自言一直被蒙在鼓裏，更被視作是死纏爛打的傻瓜：「今天才知道，你性伴侶的數量多得驚人，然後你對外說的就都是我主動，你完全沒有做任何事情讓我們開始，也從來都沒有挽留我，原來疼愛和照顧都是演出來的，還把我當傻瓜一樣告訴別人，只是我主動糾纏你，所以你完全是被動的，也不需要付上任何責任。」而翟威廉當時就否認曾與麥貝夷拍拖，但承認對方的確曾經同自己好熟，自己亦確實有性伴侶。

Photo from 麥貝夷IG

而3年過去，翟威廉近日接受傳媒訪問時就有再談及有關「性伴侶」的事件，他提到反正自己沒有fans，不想浪費時間講大話，直認有超過10年約炮經驗，多年來過著多伴侶的生活模式。他更承認SP人數很多，甚至在日本、韓國都有，但表明是玩舊式SP，並非新一代的網上約炮。他亦認為男性天生喜歡多伴侶，隨著男女平權和思想開放，很多女性都漸漸走向同一方向。他透露這行有很多低調的同道中人，愈來愈多人玩SP。他表示為免有性病，雙方都要保護自己，奉勸大家要帶眼識人，更直言「試過瀨嘢」但不願透露詳情。

Photo from 翟威廉IG

而報道出街後，一眾網民就幾乎一面倒好評的稱讚翟威廉夠坦白，指：「呢啲條件冇（SP）先係新聞」、「欣賞，敢做又敢認」、「如果佢冇海量SP，算唔算浪費咗天賦？」、「佢大大方方承認，好過啲懶情純嘅好多」、「翟Sir收唔收徒弟？」而其後就再有傳媒就事件聯絡翟威廉，對於網民極其正面的評價，翟威廉指這只是一種生活方式而已，他說：「呢個係生活其中一部份，冇乜值得崇拜，每個人有唔同生活方式，你做自己鍾意嘅嘢，如果你鍾意結婚咪結婚，你鍾意拍散拖，最緊要注意唔好傷害到人，如果唔係就變咗感情上啲人又話你乜嘢，有拗撬。不過好多唔同感情都有拗撬，所以要自己就住多啲。（網民話你大隻靚仔，唔搵SP都對唔住自己。）粗鄙啲就咁講啫，其實都係生活。有啲人鍾意拍拖，咪過佢嘅生活囉，唔同方式。我冇推舉呢樣嘢呀，我自己係咁咋，我冇推薦佢㗎！」

Photo from 翟威廉IG

另外翟威廉亦有被問到曾與哪位女藝人發生過關係，對此翟威廉說：「冇，冇女藝人。（一個都冇？）冇冇冇，就係冇。平時我哋都唔會提及呢啲嘢，記者問我對呢個社會生態有咩見解我先會講，但平時我唔會提。」至於被問現時有幾多位SP，他就只透露：「都係正常囉，因為我工作比較忙。工作忙得來依家有好多生意要搞，都搞唔掂。（訪問出咗之後有冇女仔向你自薦？）我而家咩都唔理，做咗工作先。」

Photo from 翟威廉IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

麥貝夷被男友背叛，對方有超多SP！網民柯南上身　翟威廉成嫌疑人物？

30 Mar 2021

唔少藝人對感情生活都會以低調嘅態度處理，事關以免見光死，而近日歌手麥貝夷（Karene）就突然喺 IG story 中留言爆男友大鍋，更指當日係男友生日，所以出 post 贈興送「大禮」力數賤男惡行。

麥貝夷喺 IG Story 中力數男友疑似控訴對方出軌：「今天才知道你性伴侶的數量多得驚人，然後你對外說的就都是我主動，你完全沒有做任何事情讓我們開始，也從來沒有挽留我，原來疼愛和照顧都是演出來的，還把我當傻瓜一樣告訴別人，只是我主動糾纏你，所以你完全是被動的，也不需要付上任何責任」

並指對方嘅愛全部都係謊言嚟：「到底你的人生是由多少謊言組成呢？現在知道你髒成這樣，如果以後有機會見面，還可以怎樣面對你？」

最後麥貝夷更祝對方生日快樂，表明「生生不見了」。睇嚟當日正正就係依位男當事人嘅生日嚟喎！

喺依個 post 出咗之後，唔少人都有 send message 關心佢，而佢就轉貼咗一個貼文並留言多謝大家關心，並指現時需要時間去沉澱：「謝謝大家關心現在我需要一點時間沈澱訊息就不逐一回覆了謝謝你們每一個慰問與支持我會更努力的做好自己從教訓中好好反省也希望和我經歷同樣事情的人知道你並不孤單（抱）很快就會好的了」。