陳自瑤爆有人專揀有婦之夫埋手討論婚內偷食勁肉緊單立文拋金句：婚姻係要有忍耐力！　

By Macy Sun on 10 May 2024

Digital Editor

由陳自瑤（Yoyo）、賴慰玲、黎諾懿及羅天宇主持的TVB清談節目《香港婚後事》即將迎來新一集，這一集中就繼續由單立文（豹哥）和胡蓓蔚（豹嫂）擔任嘉賓，承接討論結婚和出軌的話題。然而在談到婚內偷食問題時，陳自瑤竟突然爆料有人專揀有婦之夫埋手，言論震驚豹嫂！

Photo from TVB圖片

TVB節目《香港婚後事》，第6集嘉賓繼續是相愛28載的單立文（豹哥）和胡蓓蔚（豹嫂）。而今集分享內容亦花生指數十足，當中賴慰玲分享了一個真實故事，說有一對三十多歲的夫婦，結婚數年感情穩定。兩人婚後在家中不時聽到隔籬屋「翻雲覆雨」的聲音，屋主是一名60多歲的油膩大叔，未幾，即有極震撼的奇遇發生在男事主身上。

Photo from TVB圖片

而豹哥聽後就立刻婚姻專家上身分析說：「婚姻耐咗，你會受到啲莫名其妙嘅嘢引誘，之後你會好好奇，好奇就害死貓，好奇心係人類天生本性，婚姻係要有忍耐力，忍耐力就係要戰勝你嘅好奇心，你先維繫到婚姻。」

Photo from TVB圖片

其後陳自瑤就順勢問到豹哥、豹嫂曾否有過想出軌的時刻？對此豹哥就Man爆表示：「如果你（結婚時）立咗誓，同佢（另一半）講過我愛你一生一世，如果你做唔到嘅話，你根本就唔係男人，係咪呀？」過後Yoyo就再講到有人專揀「有婦之夫／有夫之婦」埋手，豹嫂聞言說：「有呢啲人㗎咩？」Yoyo正色道：「有，好多！」，言論相當耐人尋味。

Photo from TVB圖片

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

陳自瑤再激動談「出軌」話題斬釘截鐵：肉體、精神都唔得！

TVB劇集《婚後事》早前播後話題度十足，當中女主角陳自瑤（YoYo）更被大讚演技，簡直本色出演！有見劇集極受歡迎，TVB便乘勢開拍全新綜藝節目《香港婚後事》，由《婚後事》四位主角陳自瑤、賴慰玲、黎諾懿及羅天宇擔任節目主持，首集更請來羅子溢作嘉賓探討感情世界，怎料YoYo在談及「出軌」話題時就極激動，嚇到羅子溢多次衝出來制止Yoyo！

Photo from TVB圖片

TVB全新綜藝《香港婚後事》昨晚首播，首集嘉賓請來《婚後事》男主角羅子溢一同探討婚戀問題。黎諾懿一來便單刀直入，著羅子溢解構姊弟戀背後因由，羅子溢亦大方分享：「當時我覺得需要一個成熟嘅女人喺身邊，可以令自己成長得快啲，同埋搵到安全感。」他亦直認偶爾會與太太楊茜堯冷戰，不過他都會「第一時間讓步」處理爭拗：「我以前會拗，依家屋企所有濕碎嘢我係唔會理，總之你決定就啱架喇。」並笑言每次冷戰首先讓步的必定是自己，至於太太的處理方法則是「瞓醒先算」。

Photo from TVB圖片

而讓五位在節目中討論得最激烈的便是「肉體出軌」VS「精神出軌」話題！Yoyo一聽到題目便即刻斬釘截鐵的表示：「兩樣都唔得！」引起黎諾懿反駁:「諗吓咋喎。」然而隨即表情認真嚴厲的Yoyo就向黎諾懿拋出兩條相當尖銳的情境題，分別為「如果你老婆同你一齊，佢不停諗緊第二個男人，你接唔接受到吖?」以及「如果你老婆出完軌一次返番嚟你度，你接唔接受到?」成功令黎諾懿陷入苦思，並坦言確有一個狀況難以接受。

Photo from TVB圖片

其後Yoyo再追問黎諾懿：「如果佢鍾意咗另一個，佢之後返番嚟屋企，但個心都係飄走咗，咁又得唔得？」此時羅子溢即衝出來企圖解圍，不過卻引起賴慰玲勁大反應：「呢個好殘忍！」。而由於首集完全是「熟人局」，因此5人全程亦完全沒有避忌暢所欲言，更出現長達數分鐘的「廝片」畫面，當中Yoyo就不斷遭羅子溢苦勸：「過去咗喇，唔好再執著個角色喇」，笑言叫Yoyo要放低劇中「張明芯」呢個角色。