雯雯怒斥張致恒揀工做「廢」！揚言要行最後一步：都係一個行業

By Jennifer on 13 May 2024

Digital Editor

今晚食乜餸：小二，嚟一碟花生！

張致恒同老婆區燕雯（雯雯）近年經常因經濟問題而成為話題，而雯雯更多次喺IG呻生活困難及怒斥老公靠唔住。最近佢再度指張致恒「揀工做」，又揚言自己要「行最後一步」：「其實都係一個行業。」

張致恒同雯雯自結婚後生活似乎陷入重重困境。要養4個小朋友唔夠錢畀書簿費，一度被學校問係咪退學，早前家中更出現斷電情況，張致恒就公開收款QR CODE求助。

雯雯之前就發文大呻孩子急需醫療救助、愛犬罹患癌症，以及自己疑似腫瘤。唔少網友擔心雯雯嘅身體狀況，不過佢未有再更新自己嘅健康狀態，反而喺IG Story再度怒轟老公張致恒「廢」。

雯雯表示：「搵晒工、問晒資料、安排晒，都可以咁多藉口唔去見，其實根本就係揀工，永遠都一堆廢話，解釋自己點解冇錢，《廢》！」之後佢又發文指：「要在兩日內變大錢，除非中六合錢，如果唔係，只有行最後一步，只有行到呢一步，就可以重新生活。加油﹗一定冇事，只有捱過一次，一切就解決。」

佢續指：「為咗（小朋友同狗狗emoji），我一定得，甚麼都不怕，只要唔係殺人放火，其實都係一個行業。」睇嚟雯雯要「行最後一步」，雖然佢未有透露係咩行業，但就講到只要「捱過一次」，就可以解決所有困難。

而被雯雯怒斥「廢」嘅張致恒日前就開直播同網民交流，佢稱一家6口每月開支要3萬幾，但佢指自己唔想攞綜援：「我寧願辛辛苦苦，雖然依家要淪落到問人借錢，但係我覺得攞綜援始終唔係一件好事囉。」佢又稱知道借錢唔係好事：「但係我真係冇諗過唔還呀嘛，我只係依家未有能力還到畀朋友。」

有人提議他「賣屁股」，張致恒回應：「咁又係呀，我咁好肉，應該食到幾個月。」

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

張致恒老婆雯雯自爆同母親斷絕關係坦言雙方各走各路：只係一個債主同借款人！

30 Apr 2024

張致恒（Steven）和妻子區燕雯（雯雯）結婚近5年，育有4個孩子。期間一直傳出婚變，又因陷入財政危機，生活拮据要向外界求助，每次都引起網上熱議。不過同時相信外界亦相當好奇二人的家人，為什麼一直都沒有向他們給予生活上幫助，對此雯雯今日（30日）就在社交平台發文解開當中謎團！

Photo from IG圖片

經常在社交媒體與網民互動兼吐苦水的雯雯，今日（30日）突然在IG社交平台上發佈限時動態，指坊間有很多人關心其母親有否向他們夫妻二人給予生活上幫助，對此她就自爆雖然母親有曾伸出援手，但目前原來已經與媽媽斷絕母女關係，雙方已各走各路！

Photo from 雯雯IG

雯雯在限時動態寫道：「我發現好多人會關心，我媽媽有冇幫過我。有，咁多年一定有，但宜家大家嘅關係，都只係一個債主同借款人。大家已經斷絕咗關係，所以佢冇必要幫我任何野，甚至照顧小朋友。大家各自都有大家嘅生活，都冇必要再扯上任何關係，再加上我有（網路乞丐）呢個稱號，其實都冇必要影響任何人，所以我宜家嘅生活，就只有我的家庭，所以希望大家唔好再問我！」