東張西望｜女中醫全球首創「精液顏色斷診」治濕疹要求除衫按摩召妓網站賣廣告？！

By Macy Sun on 21 May 2024

Digital Editor

TVB《東張西望》繼近期全城熱話「何伯與新何太」後，又再有一名女觀眾報料，指自己丈夫被濕疹問題困擾多年，睇西醫無效後便經網上廣告光顧一名自稱有獨創濕疹療法的女中醫師，並在其樓上診所治療。可是登門醫治時，這名「女中醫」竟然要求事主丈夫除衫按摩，更打算用其全球首創「精液顏色斷診」透過觀察事主丈夫的精液顏色去了解病情，相當奇怪！

Photo from 《東張西望》截圖

《東張西望》近日收到一名報料人Dana投訴，指其丈夫長年受到濕疹困擾，曾試過西醫治療不過一停藥就會復發。後來Dana丈夫從網上平台見到一位自稱「阿紅」的女中醫，聲稱保證三次就可以斷尾：「我先生想試一試，就聯絡呢位自稱中醫嘅女士，上門接受治療。」Dana表示丈夫上門後，阿紅對他以刮沙治療濕疹患處：「進行到一半，嗰位女士開始就話『可能係濕疹，性功能方面有問題』，繼而要求我先生除晒啲衫，喺佢肚上面進行按摩，按摩同時無啦啦拔罐，喺佢肚臍附近。嗰位女士話係前列線，嗰度有影響。」

Photo from 《東張西望》截圖

其後按摩了一會，阿紅更要求看男病人的精液，才決定進行甚麼療程，要身體是否有其他隱藏疾病：「要求佢除褲，想幫佢攞精液出嚟。」Dana續指當時其丈夫感到「唔對路」，因而謊稱趕時間，停止阿紅的動作，並指希望下次才完成療程：「先生問下次療程係咩，嗰位女士話『下次你咪知囉』，跟住就畀咗錢就走咗。」Dana表示丈夫當時未完成療程，所以只是支付500元現金便立刻離開。Dana更指丈夫回家後，發現他上臂受傷：「同埋頸嗰啲，好似刮沙刮得好嚴重，肉都爛晒，我覺得仲嚴重過佢本身嘅濕疹。」

Photo from 《東張西望》截圖

接到報料《東張西望》亦馬上行動，派了兩名男幕後假扮濕疹病人向阿紅於尖沙嘴一棟大廈內的診所「求醫」，不過團隊到達大廈時就不見水牌上有診所的名字，單位外亦無招牌，非常隱閉。之後到達門口時，不過阿紅見到兩個男人時，就直言:「唔可以兩個男人入嚟。」其後又多次拒絕治療手法，又誇大男幕後的病情：「出晒嚟，三、五次度先全部清晒。最緊要睇你身上全身查，檢查清楚。檢查你皮膚嘅顏色，同埋溫度、硬度。」

Photo from 《東張西望》截圖

過後男幕後提出想要病假紙，此時阿紅就竟自揭並無中醫牌：「我冇得開，我冇嗰啲中醫牌呀！有呢啲牌嘅話，我就唔係開樓上舖，我（開）地下舖，大招牌打出嚟喇！」阿紅又表示自己在網上已經賣廣告10年，並突然以普通話說到：「掛了10年！我就是大陸過來的中醫，好中醫都是大陸的。」被問到在內地是否有牌時，她說：「肯定的，是香港沒牌嘛。我就是專門研究這個人家醫不好的。」至於被追問到為甚麼不在香港考牌，阿紅就隨即發難表示：「唔關嗰啲事，都話中醫從來都冇牌，牌咩啫！我有病人搵我就得喇！我哋係中醫慨念，但我係獨家嘅一個嘢。」並又再以以普通話繼續說：「獨家的東西，我研究了一個方法、一個思維，全世界都沒有！」

Photo from 《東張西望》截圖

放蛇後《東張西望》亦有在網上搜尋阿紅的資料，怎料竟連去了一個召妓指南網站，上面甚至寫有「男人唔補好易變虧佬！對自己好！中醫做得到！」標語，廣告更明碼實價列出不同療程的價錢，當中包括男士性功能、前列腺的問題，並寫明：「全球獨家首創，精液顏色斷診」。而事件後續預告之中就提到，下一集攝製隊與節目中的太太Dana將會一齊登門對質，在阿紅敗走時雙方更發生了碰撞。

Photo from 《東張西望》截圖

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

東張西望｜何伯遭傳緊急入院親自現身打破入院傳聞夥新何太甜蜜拍片證「唔知幾精神」！

20 May 2024

何伯與新何太近期經《東張西望》報導後，一舉一動都成為全城焦點。而日前就有自稱是何伯及何太鄰居的網民指，何伯突發入院，消息令人擔心。不過今日何伯本人終於親自現身打破入院傳聞，更夥新何太甜蜜拍片上傳東張+曝光兩人最新狀況。

Photo from TVB圖片

日前（18日）網絡突然有人發放消息，訛稱是何伯何太的鄰居，看到何伯住處屋內有警察及救護員，「我係屯門醫院急症室見到何太」；甚至還有人報料稱兩夫婦正身處屯門醫院：「大家好我喺屯門醫院分流站，工作中不方便影相，見到何伯，佢本人冇咩事，都係老人家病心絞病同高血壓，大家唔使擔心。」當中甚至傳出何伯被送入ICU搶救！何太更被指疑似與何伯入院有關，被警察帶走調查，直到深夜時分更一度有消息指何伯已經離世！

Photo from TVB圖片

Photo from 網上圖片

事件一出馬上惹來網民熱討，有人關心何伯目前情況：「大家唔好再搞呀何伯啦！何伯你身體緊要，祝你早日康復！對自己好啲呀！」、「究竟咩事呢？點解突然之間入咗醫院呢？」、「唔信囉～～快啲叫東張去關心下！」其後更有網友疑似到「新何太」的抖音賬號下留言，問到：「何太，何伯出院了嗎？沒甚麼吧？他的出院後該喝甚麼湯水？」對此疑似「新何太」亦有回覆：「他又沒有入醫院是假的，知道嗎！」接着還人有人問：「現在何生身體怎麼樣？」新何太則說：「他很好、謝謝你的關心！」

Photo from TVB圖片

Photo from 網上圖片

而昨晚（19日）「東張+」就公開了何伯與何太的最新影片，片中何伯親自現身，見其狀態亦非常精神，與何太坐在鏡頭前拍片，何伯表示：「全港話我入咗醫院係假嘅，我都唔知幾精神！冇入院呀！」至於被提到有鄰居聲稱聽到何伯夫婦在家中吵架，何太亦特意作出澄清表示：「又有傳我哋兩公婆鬧交，冇鬧過交，都係假嘅。」何伯亦表示：「全部假嘅！我哋都不知幾恩愛，我哋又邊有鬧交啫，冇嘅。」何伯更一手摟着何太，表現恩愛一面，粉碎婚變傳言。