東張西望｜何伯遭傳爛賭欠債被「斬手指」大爆仔女欠債全記錄 揚言要去銀行示威攞翻450萬！
日前，《東張西望》再次採訪何伯與新何太，紀錄二人在深圳開直播的情況，期間何伯在直播中途突然搶咪大爆仔女私隱，令觀眾睇到眼都突！而昨日（30日）《東張西望》就再繼續有何伯及何太的訪問，當中何伯就有對遭傳因爛賭欠債而被「斬手指」一事回應，更大爆仔女欠債全記錄 ，甚至揚言要去銀行示威攞翻450萬！
Photo from TVB節目截圖
《東張西望》昨日（30日）一集中再有何伯與新何太的報導，採訪當日正是二人在深圳直播當日，接受訪問時何伯講到被細女提取的450萬，他直言會力追到底，更打算到銀行總行示威，要求見銀行行長及董事長，誓要討回公道。另外早前網上有人發現原來何伯的右手尾指小了一截，因此就有人傳出指是何伯年輕時「爛賭」欠債而需要切下手指戒賭，對此何伯亦有在節目中公開「斷指之謎」，說是因為以前做工程時不小心被機器切走︰「嗰啲刨床切斷咗，冇成隻手切咗已經夠運。」
Photo from TVB節目截圖
而節目中可見當日何伯有備而來，有帶同「貓紙」做直播，大爆仔女的欠債全記錄，何伯率先爆大仔：「我個大仔喺2016年8月24日，攞咗我60萬，本票40萬，現金20萬，到2016年3月24號又取咗30萬買車，合共取咗我一百三十幾萬。」又大爆兒子有「兩頭家」，一個在香港一個在內地，內地的更生了一對龍鳳胎。其後就到二仔，何伯指2018年時他拿了5萬元買保險，之後還問他拿錢裝修公屋：「2023年就取咗我35萬，年前種牙呢，又攞咗我3萬幾。」二仔前後一共借了60多萬，何伯還說他們每個人，都有幫他們買「陰宅」：「個個都同佢哋買咗㗎啦。」何伯說到其實自己對他們很好，但他們卻想置他於死地，把他的錢全都拿走。
Photo from TVB節目截圖
Photo from TVB節目截圖
最後何伯自爆已同仔女「斬纜」，他說到不論是仔女還是他們的另一半，即使在公共交通工具上遇見，都不瞅不睬及視而不見，「所以我依家公布畀大家知，同佢哋斬晒纜㗎啦。」何伯更表示「貓紙」是他自己寫的，更指仔女「反骨」：「養大佢哋有鬼用？」而在旁的何太都替何伯感到不值便加了句：「邊有人咁樣折磨自己老豆㗎？」何伯更言自己現在揭出大仔的事件，他會連工作都失去，相當決絕！
Photo from TVB節目截圖
Photo from TVB節目截圖
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
何太粉絲群逾400人加入！揚言要踩場搞何伯仔女？暢所欲言狂自爆
28 May 2024
何伯何太近日成全城熱話，何太更「打蛇隨棍上」喺抖音開直播，預告日後會帶貨賺錢！近日Facebook群組「何伯＆何伯老婆關注組」就分享何太喺粉絲群嘅對話，粉絲群有400多位成員，何太喺群內更分享何家各種家事。
何伯何太上《東張西望》後成為城中「名人」，之後何太抖音帳號曝光，佢更直接開直播，揚言將會帶貨，務求將名氣轉化為收入！近日Facebook群組「何伯＆何伯老婆關注組」有網民分享何太喺粉絲群組內嘅對話截圖。
何太粉絲群名為「千語bb生活錄語的粉絲群」，人數已超過400人！何太喺群內經常發言同fans交流，唔少fans問起佢家事，何太幾乎有問必答，連何伯同亡妻、仔女嘅事都公開埋！
何太公開咗唔少何家嘅內幕，當中包括令人意想不到嘅細節。佢對於何伯$450萬存款耿耿於懷，提到老公何伯現時經濟狀況「窮到窿」，但何太強調自己一直以來都與何伯同甘共苦，從未離棄。然而，何太都忍唔住抱怨，指責何伯嘅家人經常花費佢嘅積蓄，包括去旅行、保險費、醫療費等都要何伯出錢。
佢指何伯同仔女去旅行都係何伯出錢，連大姨仔數萬，甚至過10萬嘅保險費、牙醫費都要何伯畀！呢個「大姨仔」相信應該係何伯亡妻嘅姊妹。何太提到呢啲時明顯十分不忿，佢斥何伯啲仔女無養過爸爸，反而係咁問何伯攞錢，其中一個仔女更問何伯攞錢買樓、換車，何太話對方已攞咗幾百萬，直斥何伯子女：「無人品、無人性」。
何太更直言不諱提到何伯亡妻生前為醫痛花費數百萬高額醫療費用。何太又指何伯亡妻「好賭」，以前晚晚打麻雀打到好夜唔返屋企，仲咬到何伯流血！不過有網民狠批何太咁樣講何伯過咗身嘅前妻，人品好差！
有粉絲建議何太唔好再上《東張西望》，但何太就表示要節目組幫忙追返啲錢！有人提議何太踩上何伯仔女工作嘅地方：「搞到佢哋無面見人，然後鬆手畀返啲錢」，何太回覆：「有這個想法」
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
