張敬軒被AEON顧客嫌歌曲難聽！10字回應禁播要求獲讚高EQ

By Jennifer on 31 May 2024

Digital Editor

今晚食乜餸：小二，嚟一碟花生！

日前AEON店舖內的「顧客心聲」留言板有顧客投訴店內播放的香港歌手歌曲難聽，並建議改播韓國男團Astro的歌曲。這段留言更是特別提到MIRROR、張敬軒及尹光，甚至寫錯了張敬軒的名字，令人啼笑皆非。而張敬軒則喺IG公開回應事件。

Photo from AEON Facebook

有網友發現AEON STYLE某分店的「顧客心聲」提到：「我個人認為店內嘅music十分之難聽，請以後唔好再play尹光先生、MIRROR、MIRROR成員、張敬軒先生嘅歌，建議play嘅歌星：車銀優或男團Astro d歌（K-pop）。希望下次來臨購物的時候能聽到本人建議嘅歌星/男團（Astro）嘅歌曲！」顧客更強調：「記得要回覆我」以及要公開張貼這個建議。

Photo from MIRROR IG

Photo from 車銀優IG

AEON的店長收到投訴後，親筆回覆顧客，承諾會繼續搜羅不同類型的歌曲來提升顧客的購物體驗。事件傳出後引起網民關注，各界反應不一。有支持留言的網友認為，店舖內的音樂選擇確實需要多元化，K-pop也有其市場；但亦有不少人表示，香港歌手的歌曲有其獨特魅力，不應被忽視。

Photo from 尹光IG

Photo from Facebook群組「AEON STORE關注組」

而事件主角之一的張敬軒也透過Instagram限時動態幽默地回應這次的批評。他轉發了相關的新聞並寫道：「自我檢討中」，軒公更hashtag「會做得更好」並附上心心微笑emoji。他的回應化解了尷尬情況，粉絲們大讚他大方又高EQ。

Photo from 張敬軒IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

怪客投訴AEON背景音樂難聽要求唔好再播MIRROR、尹光網友狠批：你嚟買嘢定嚟聽歌？

29 May 2024

AEON永旺百貨店內的「顧客心聲」不時都會出現「神奇」顧客留言，引起網絡熱話！而近日AEON某分店就再有顧客留言表示不滿，投訴店內背景音樂難聽，要求店方停止再播MIRROR、尹光等歌曲，並換成「本人建議的歌曲」，引起網友熱烈討論！

Photo from TVB劇照

近日，有網友於Facebook群組「AEON STORE關注組」內貼出一則張貼在AEON STYLE某分店的「顧客心聲」，當中中英夾雜寫道：「我個人認為店內嘅music十分之難聽，請以後唔好再play尹光先生、MIRROR、MIRROR成員｜張敬軒先生嘅歌，建議play嘅歌星：車銀優或男團Astro d歌（K-pop）。希望下次來臨購物的時候能聽到本人建議嘅歌星/男團（Astro）嘅歌曲！」另外該名顧客更在文末再三提醒店長「記得要回覆我」。

Photo from Facebook群組「AEON STORE關注組」

Photo from MIRROR FB

Photo from 尹光IG

而出名有求必應的AEON店長在收到意見的數日後，亦有親筆感謝顧客的來函，回覆指：「就閣下的建議本人與負責選擇店內背景音樂的同事作出反應。日後，我們會繼續搜羅不同類型歌曲，以提升顧客購物體驗」，回答相當得體！

Photo from ASTRO圖片

Photo from 車銀優IG

至於一眾網友看到帖文後就反應兩極，有人認同該名顧客的意見：「「播mirror真係好X趕客」、「難聽嘅歌，真係會影響客人行既心情」、「無taste嘅員工播埋啲好難聽嘅歌嘈住哂」、「呢排多咗去Aeon 買嘢，成日聽到光B 首dear myself 真係好煩」。同時亦有不少人持反對意見，指：「日本公司…緊係播日文歌啦，有乜理由要韓歌？？何況呢度係香港…播廣東歌又有乜問題？再嘈…播帝女花！」、「你嚟買嘢定嚟聽歌？上youtube聽飽去啦」另外就有網民指出，憑心聲字跡能判斷對方應該是位小朋友，意見內容只是其次，對方只是想店長貼堂，「大家都錯重點喇」，更指小朋友想法難免會比較天真。