九龍城被遺忘嘅港西式小食！牛肉餅西多士酥撻樣樣精彩～一試難忘！

其實九龍城真係有好多好野食，唔係只有泰國菜架，仲有好多唔同地方嘅主菜、小食、甜品等等，而且有好多小食大家都可能忽略左，或者唔知佢嘅存在，仲有唔一定要行先可以掃街，有得坐嘅都可以點幾款小食食下，等小編發掘比大家去試試啦！

Photo from Presslogic
1.清真牛肉館-必試牛肉餅($18)

Photo from Presslogic
去到九龍城，點可以唔去食清真牛肉館呀？話明食小食，一定要食牛肉餅，牛肉餅全部即叫即做，上袋時勁熱辣辣，食落去每一口都感受到好多牛肉又多汁，不過大家要小心，食嘅時候吸埋D湯汁，咁就唔怕D湯汁濺到自己同其他人啦！食一個已經覺得幾飽，唔夠喉嘅朋友仔就可以食多碗牛肉麵啦！
Photo from Presslogic

清真牛肉館
地址：九龍城龍崗道 1 號
九龍城打鼓嶺道33-35號地下
營業時間：星期一至日11:00-22:45

Photo from Presslogic
2. 樂園Lok Yuen - 邪惡西多士
Photo from Presslogic

黎到九龍城，其實小編建議去下九龍城街市，簡直係臥虎藏龍呀！今次要推介樂園Lok Yuen嘅Fusion厚西多士，先係佢地嘅招牌菜沙嗲牛肉西多士，初時都怕個味道好奇怪，但一食落真心覺得好match，仲要做到外脆內軟，切開裹面有滿滿鹹鹹香香嘅沙爹牛肉，加上煉奶同牛油帶黎甜甜嘅味道，同惹味嘅沙爹醬好夾，完全一試難忘，小編都忍唔住食左好多呀！
Photo from Presslogic

之後要介紹嘅佢地早前新出嘅阿華田脆醬厚西多士，沙糖加上阿華田脆醬，邪惡得黎就感愛到多重甜度同口感，好惹味，不過小編略厭脆醬唔夠多，如果裝得再滿D，就更好吸引啦！
Photo from Presslogic
Photo from Presslogic

樂園Lok Yuen
地址：九龍城九龍城市政大廈3樓6號舖
營業時間：星期一至五07:30-16:00；星期六及公眾假期07:30-14:30；星期日全日休息

Photo from Presslogic
3. 酥妃皇后 - 忘不了的酥撻

最後要推介係西式甜品類，酥妃皇后。唔講唔知，依間鋪頭係前歌手黃寶欣開，賣點係手打368層酥皮蛋撻。「酥妃皇后」係佢今年正式告別人妻身份、重投社會嘅第一份工。不過佢地賣嘅甜品唔係浪得虛名，小編真心推介！
Photo from Presslogic

先係近年好興嘅紫薯甜品，紫薯酥撻。食苦去每一啖都有好香又濃郁嘅紫薯味，重點係底部仲有凍身又清香嘅紫薯碎加cream，再加上香脆鬆化嘅酥皮撻，簡直食到停唔到口！
Photo from Presslogic

再黎就係榴蓮控必食嘅榴蓮酥撻，外表已經好吸引，面頭嘅cream凍凍地，又有淡淡榴蓮香，內餡暖暖地嘅榴槤肉，將成個撻嘅味道進一步升華，非常清香好食！而且佢嘅牛油撻底，將酥皮更升至另一種層次，小編而家睇見D相都勁想再食呀！

酥妃皇后
地址: 九龍城侯王道24號
營業時間: 星期一至日10:00-20:00

Text: Holiday editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編～謝謝～）

*本文章的圖片均經其本人或其公司授權，其他媒體不得轉載