方力申佛山個唱女友葉萱罕現身台上放閃為男友伴舞高調示愛狂派心心！

By Macy Sun on 04 Jun 2024

Digital Editor

方力申（小方）與女友葉萱（Maple）認愛後，一直罕有公開放閃，兩人連合體的合照都極少有流出。而日前適逢方力申在佛山舉行首個內地個人演唱會《方力申SHOW UP演唱會-佛山站》，Maple就被發現現身支持，而且不單在台下睇騷，更傳有在台上為男友伴舞！

Photo from 演唱會海報

方力申（小方）日前在內地佛山舉行首個內地個人演唱會《方力申SHOW UP演唱會-佛山站》，從當日觀眾現場拍下的影片可見，場內氣氛相當熱烈，小方獻唱多首金曲，更有找來好兄弟劉浩龍擔任嘉賓！不過最令人意想不到的是，一直愛得低調的小方女友葉萱（Maple）也激罕現身會場。

Photo from 小紅書

有在場觀眾就指，或許是因為女友在場小方當日心情大靚，當唱《只愛一個人》時，方力申更是憑歌寄意，望住女友唱出「為何固執到只愛你一人」兼大派心心，場面甜蜜，令不少觀眾和網民都被「閃到」，事後留言指：「太Sweet了吧！成晚對住女朋友扭嚟扭去」，更有在場歌迷搞笑回覆，指當刻以為偶像是對住自己給心心，後來發現自作多情了，原來是給坐在她旁邊的Maple。

Photo from 小紅書

另外網上亦有傳這次Maple不單在台下睇騷，有現場觀眾指，當小方唱《月全蝕》時，台上為他蒙面伴舞的美女正是Maple，只見Maple翩翩起舞毫不怯場，相當賞心悅目。而Maple當日似乎也看得非常開心，離場時與友人有講有笑，就算身旁有人拍照也沒有「黑面」，還被發現一直玩小方的應援人型牌，相當甜蜜。

Photo from 小紅書

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

方力申自爆婚事無期認「個底太花」未獲女友信任：我講咩佢都唔信！

9 May 2024

現年44歲的方力申去年認愛女友葉萱（Maple），一路陪伴女友走出傷痛。不過近日方力申接受媒體訪問時，就自爆二人目前雖感情穩定但就婚事無期，皆因自己過往「個底太花」未獲女友信任？！

Photo from 方力申IG

方力申近日接受傳媒訪問，坦言之前疫情時工作量大減，加上面對中年危機，令其開始懷疑自己：「疫情、中年，好多角色唔到你做，偶像派、愛情故事已經過咗，好成熟嘅角色又未到我，幸運有其他事業好似教游水。」他亦指自己曾一度想過轉行，慶幸演舞台劇令他重新肯定自己：「做舞台劇感動到人，心諗我都冇揀錯行呀。」

Photo from 方力申IG

其後方力申亦有被問到感情事，對於有否想過跟拍拖一年的女友葉萱拉埋天窗的問題，方力申就表示：「都有諗，啲人話成家先立室之後對事業有幫助，因為要養家、有個責任，但反而由細到大我都冇諗過到今時今日都未結婚，不過，呢啲係兩個人嘅事，要慢慢傾，呢個年紀唔能夠衝動，唔想覺得婚姻係兒戲，唔想結兩、三次婚，我係嚮往一個完整家庭，所以真係要溝通。」

Photo from 方力申IG

Photo from 葉萱IG

方力申同時亦坦言其實目前還未認真跟女友討論結婚一事：「講笑就有講過，每次拍拖都好認真，但係要對方知道都要一段時間」另外方力申早年就曾與馮盈盈、陳瀅、陳曉華等女藝人傳出緋聞，這些花邊新聞亦讓其相當苦惱，「我咁多新聞，佢都要時間去認識係八卦雜誌嘅我定係眼見嘅我呢？我成日講咩佢都唔信，又話我做戲好Chok，唔似平時。」他也自嘲難明白為何至今還未能贏得女友信任，認為兩人還需要時間了解。