日本過江龍賣超巨型和牛漢堡～期間限定熔岩芝士漢堡日限賣10個！

By 123testing on 04 Oct 2017

打開卡嘅大家都一定知中環有條斜路叫嘉咸街～有啲好靚嘅壁畫！但又知唔知再行上兩步，係日本高知縣嘅過江龍5019 Premium Factory呢？想食到日式嘅漢堡都唔一定得連鎖店嘅選擇嫁～

Photo from Presslogic
係高知縣出哂名嘅係佢地招牌嘅龍馬漢堡，係當地真係超人氣嫁！點解咁出名？因為用左和牛再加上高知縣最著名嘅食材～兩塊麵包夾住嘅係滿滿嘅材料，每個出品嘅漢堡都超巨型，兩隻手都拎唔哂啊！
Photo from Presslogic

香港係日本海外嘅第一亦係唯一分店，主理嘅老闆亦都係日本人～所以每樣野都做得好一絲不苟嫁～
成間舖頭用左唔少木材嘅傢私，令到成間店感覺好日式，好似番左屋企咁！原來都係老闆自己一手一腳親自設計嫁～
Photo from Presslogic
Photo from Presslogic

賣嘅漢堡中間當然唔少得日本名物超多肉汁超juicy嘅和牛漢堡啦～係100%嘅日本和牛黎啊～龍馬漢堡夾住嘅係重量級120g，而女士怕太大份有80g嘅選擇～
出名係黑洞胃嘅小編當然要試佢地最出名嘅龍馬漢堡120g和牛啦～
Photo from Presslogic

龍馬漢堡 ($128)
之所以咁高，就係因為真係超多材料！一見到都感覺大～～～滿足啊！
入面有齊高知縣嘅名物茄子、蕃茄、煎蛋、吞拿魚碎、青椒、生菜同芝士，夾埋個和牛一共有8層～
所有細節都盡見日本人嘅細心！首先係麵包，麵包勝在包質鬆軟，而表皮有微微烘香過，帶脆身質地！
Photo from Presslogic

而中間夾住，小編想特別介紹嘅係茄子、吞拿魚碎同埋煎蛋～煎蛋煎得外皮香口，但入面絕對唔老，而且好重蛋香！
茄子同吞拿魚碎真係好少係漢堡入面見過，係意外地超滋味超夾！吞拿魚碎有陣陣鹹香，而且上面淋上好夾嘅沙律醬～
而茄子真係超juicy啊，吸收哂啲醬汁同肉汁～正！
Photo from Presslogic

此外，不得不提佢和牛好鬆軟！但入面絕對無半點鬆散感～一啖咬落去係滿滿嘅幸福，因為肉汁真係滴個不停！
重點仲有佢淋上自家調碗嘅demi glace sauce，有濃濃肉汁味但帶甜甜嘅味道～食落唔會有過份油嘅感覺！

半熔芝士漢堡 ($158)
老闆仲不時會研發新漢堡，去日本總店交流！而精心炮製今期期間限定嘅有呢款熔岩芝士漢堡～
將芝士煮到半熔，襯住佢仲熱辣辣再淋上漢堡上面！睇到小編嘅口水都流到落地下～Photo from Presslogic

Photo from Presslogic
芝士味超級濃郁～而且配上酸瓜，減去左油膩感，成件事會唔會太好食！
Photo from Presslogic

想食嘅就要快啲去喇，除左係期間限定之外，仲係數量限定～每日只賣10個嫁咋！

鐵板芝士滑蛋 ($58)
呢款又係新推出嫁～係燒熱左嘅鐵板，淋上蛋漿同芝士再伴炒～
Photo from Presslogic
口感超超超超嫩滑，而且真係好重芝士香濃味！好好味啊～～
Photo from Presslogic
嫌唔夠重口味，仲可以加明太子($88)或者黑松露蘑菇($88)嫁！