何太前夫驚傳係《東張》87歲余伯！何太晒何伯亡妻金飾稱理應繼承
何伯何太成為網絡紅人後就開直播帶貨，近日網上瘋傳何太前夫可能係曾經上過《東張西望》嘅87歲余伯，網友發現兩人離婚時間相近，質疑佢就係余伯嘅內地前妻。而何太就喺粉絲群中分享何伯亡妻嘅金飾，更直言法律上呢啲金器應由自己繼承。
Photo from TVB
何伯何太一直都接受《東張西望》訪問，又keep住直播，務求要維持自己嘅知名度。之前何太就喺《東張西望》自爆被前夫家暴，佢更要接受精神科治療，近日有唔少YouTuber大爆何太前夫可能係上過《東張西望》嘅苦主余伯？！
Photo from TVB
Photo from TVB
余伯嘅影片約係一年前播出，佢指有人介紹咗一個大約40歲嘅內地女士畀佢，當時就講到明係無兒無女，余伯想要個人照顧佢餘生，所以好快就同該女子結婚，點知佢同老婆北上搞單程證時卻突然帶咗個仔出現，結果「2個去3個返」，余伯同老婆及老婆兒子一齊返香港。
Photo from TVB
Photo from TVB
余伯老婆喺香港搵到工作，佢哋結婚幾個月後余伯老婆就向法院申請離婚。網民指一年前余伯接受《東張西望》時指與前妻離婚4年，而何太亦講過佢同前夫離婚5年，時間上吻合。
Photo from TVB
Photo from TVB
余伯指同老婆兒子出香港後就加咗佢哋兩個人嘅名入公屋戶籍，佢指前妻喺香港有公屋有工作後就同佢離婚明顯係計劃好晒！余伯公開嘅戶籍中可見其前妻姓柯，個仔則姓莫。
Photo from TVB
有網民猜測何太可能係余伯前妻，佢同兒子得到余伯嘅公屋後，因為接受精神科治療，申請擠迫户，之後再轉到依家位於屯門嘅公屋，認為可以講得通，不過未有更多證據，只屬網民猜測。
Photo from TVB
另一方面何太轉戰微信開直播，佢更預告會同粉絲傾偈，講下已故何太嘅遺物。何太於粉絲群中大晒何伯亡妻嘅金飾，並指現時都係何伯細女保險箱保存。之前何太喺《東張西望》表示何伯買畀亡妻嘅金飾更多，但有網民質疑佢同何伯結婚幾個月內收到嘅一對龍鳳鈪同勞力士手錶、金戒指、鑽石戒指等，價值已遠超何伯亡妻嘅金飾。
Photo from TVB
Photo from Facebook群組「何伯＆何伯老婆關注組」
Photo from Facebook群組「何伯＆何伯老婆關注組」
Photo from TVB
Photo from TVB
Photo from Facebook群組「何伯＆何伯老婆關注組」
群中有粉絲指亡妻離世後，其金器應歸於現任何太，何太亦回覆：「是的，法律上是這樣的」，更表示何伯都係咁講，佢強調：「法律上允許的。」網民批何太「貪到出面」，更一直舉報佢嘅抖音同微信帳號，希望官方封咗佢嘅帳號唔畀佢帶貨！
Photo from Facebook群組「何伯＆何伯老婆關注組」
Photo from TVB
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
何太粉絲群逾400人加入！揚言要踩場搞何伯仔女？暢所欲言狂自爆
28 May 2024
何伯何太上《東張西望》後成為城中「名人」，之後何太抖音帳號曝光，佢更直接開直播，揚言將會帶貨，務求將名氣轉化為收入！近日Facebook群組「何伯＆何伯老婆關注組」有網民分享何太喺粉絲群組內嘅對話截圖。
何太粉絲群名為「千語bb生活錄語的粉絲群」，人數已超過400人！何太喺群內經常發言同fans交流，唔少fans問起佢家事，何太幾乎有問必答，連何伯同亡妻、仔女嘅事都公開埋！
何太公開咗唔少何家嘅內幕，當中包括令人意想不到嘅細節。佢對於何伯$450萬存款耿耿於懷，提到老公何伯現時經濟狀況「窮到窿」，但何太強調自己一直以來都與何伯同甘共苦，從未離棄。然而，何太都忍唔住抱怨，指責何伯嘅家人經常花費佢嘅積蓄，包括去旅行、保險費、醫療費等都要何伯出錢。
佢指何伯同仔女去旅行都係何伯出錢，連大姨仔數萬，甚至過10萬嘅保險費、牙醫費都要何伯畀！呢個「大姨仔」相信應該係何伯亡妻嘅姊妹。何太提到呢啲時明顯十分不忿，佢斥何伯啲仔女無養過爸爸，反而係咁問何伯攞錢，其中一個仔女更問何伯攞錢買樓、換車，何太話對方已攞咗幾百萬，直斥何伯子女：「無人品、無人性」。
何太更直言不諱提到何伯亡妻生前為醫痛花費數百萬高額醫療費用。何太又指何伯亡妻「好賭」，以前晚晚打麻雀打到好夜唔返屋企，仲咬到何伯流血！不過有網民狠批何太咁樣講何伯過咗身嘅前妻，人品好差！
有粉絲建議何太唔好再上《東張西望》，但何太就表示要節目組幫忙追返啲錢！有人提議何太踩上何伯仔女工作嘅地方：「搞到佢哋無面見人，然後鬆手畀返啲錢」，何太回覆：「有這個想法」
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
