翁靜晶法律角度分析何伯事件何太被焫㷫正面挑機：你敢不敢見我？

By Macy Sun on 11 Jun 2024

Digital Editor

何伯與新何太早前高調接受《東張西望》訪問成名，而任律師的前女星翁靜晶亦有關注事件，並於早前在Youtube開直播以法律角度分析事件。怎料這一舉動就焫㷫何太，令何太激動疑似以「廢柴」批評翁靜晶，並發表質疑對方律師專業資格的言論。對此翁靜晶近日再開直播指會向何太發律師信，而火爆的何太亦唔輸蝕，正面挑機叫翁靜晶「放馬過來」！

Photo from 網上圖片

現任律師的前女星翁靜晶早前在YouTube頻道「危險人物2.0」直播，以法律角度講解「何伯事件」，並用相關案例助大家了解何伯取回450萬元的可能性，她曾指：「呢單CASE係個女攞走晒啲錢，即係唔關銀行嘅事，呢個都係一個比較叻嘅舉動，因為啲錢喺你手上，人哋要同你攞番都好難，攞走咗之後，邊個揸住就邊個惡，因為佢係根據佢嘅權益同條款而攞走晒，佢係攞得㗎嘛，呢樣嘢個女係冇做錯，亦都係合理合法。」翁靜晶亦提到在《東張西望》中，何太插嘴糾正何伯言詞一事，翁靜晶表示：「你見到嗰個大媽，喺訪問好緊張，因為個爸爸話如果我有乜冬瓜豆腐，將來由個女去承繼方便啲，個大媽即刻話唔好亂咁講嘢，呢個唔係承繼，係處理，其實佢（大媽）都唔想人哋承繼，想自己承繼晒。」

Photo from 影片截圖

事後有網民於何太的抖音粉絲群組中分享香港有律師分析何伯能取回450萬元的可能性，而另一位網民亦表示：「翁靜晶律師講好難喔何太。冇450萬有利息都好過一蚊都冇。」何太即時非常激動表示：「嗱，你再提呢個律師嘅名呢，我證明你同佢係一派，一派胡言呀你。」及後何太繼續鬧「律師」，指：「佢邊個講人哋呢450萬係佢嘅血汗錢，佢都冇得攞返嘅，佢呢啲都係廢柴，我點解唔敢講，我就懷疑佢個律師牌點樣買返嚟」、「嗰個律師會講咁樣嘅說話，證明個律師係廢柴嚟，個牌唔知係點樣得嚟嘅！」有網民提醒何太應小心說話，但何太依然繼續向對方作出各種批評，並質疑對方的律師專業資格。

Photo from 網上圖片

對此翁靜晶昨日（10日）就再開直播提到被何太質疑律師專業資格一事，「有人話，翁靜晶個律師牌，有人講個牌買返嚟㗎喎！哇，我聽到好開心喎！我就問喇，有得賣嗰個人⋯⋯喺邊度有得買呀⋯⋯如果買得起，買多個都唔錯喎咁樣。」她又笑言：「講呢樣嘢嘅人都幾傻！」另外在直播尾聲，翁靜晶亦提到將會向何太發律師信，「呢位大媽我對佢係冇敵意嘅，我唔會仇恨佢⋯⋯我知道佢想改善生活、改善家人嘅生活」、「但我都希望佢可以攞個愛心去對人哋嘅家人小朋友。」翁又指，應該用愛心去對人，給予其他人一個機會先禮後兵，「通常我做任何嘢之前都會先禮後兵⋯⋯我會作一個措施，作一個制衡嘅措施，律師信係會出，出咗之後如果佢係好人嘅，佢行善良嘅路唔好去傷害人，好好地去對家庭入面嘅人，咁就唔會有下一着；但如果好過分嘅，去傷害其他人嘅話，我出咗第一封信，我亦都可以隨時採取第二步行動。」

Photo from 影片截圖

而有見翁靜晶指出會向自己出律師信，何太就完全沒有膽怯，反而向在抖音粉絲群連珠砲發式狂轟向翁靜晶正面挑機，留言指：「放馬過來」、「你敢不敢見我」、「你憑甚麼出律師信畀我」、「當我唔善良的時候第一時間就係同你攬抄（炒）」，並斥翁靜晶「為流量不擇手段」。

Photo from 影片截圖

Photo from 網上圖片

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

麥美恩發文暗諷何伯何太！疑不滿博出名做網紅：唔係啊化

29 May 2024

何伯及何太因為《東張西望》節目組連日來的追訪，這對夫妻迅速成為網絡紅人。而何太更打鐵趁熱開直播曬恩愛並談及私生活，更是激起了網民的廣泛關注和討論。連TVB藝人麥美恩也忍不住諷刺何伯何太。

Photo from TVB

何太早前在直播中向觀眾展示了她與何伯的甜蜜生活，不但與何伯公開嘴對嘴錫錫，甚至大爆房事稱何伯「一晚5次」。有部分網民則認為這種行為過於高調，並對她在直播中透露過多私生活細節表示不滿。

Photo from TVB

5月28日《東張西望》再度播出了一期關於何伯何太的節目，這次她坦白自揭被前夫虐待至抑鬱的慘痛經歷，又對自己在直播中提及私生活感抱歉，表示如果廣大觀眾聽完感到不舒服，她可以道歉，何伯就護妻指：「我老婆衝口而出啫！實際上，佢無講大話！」

Photo from TVB

何伯何太前後多次接受《東張西望》訪問，幾乎每日都有他們上節目回應的片段，有fans在粉絲群中建議何太要小心TVB，稱其「為收視乜都做得出」，但何太就表示要節目組幫忙追回何伯的存款。

Photo from TVB

有人認為何伯何太頻繁出演《東張西望》是為了出名，想藉此維持人氣，有助日後直播帶貨。TVB女主持麥美恩也在社交平台上發聲，她直言：「佢兩公婆，仲搵東張，唔係啊化」。麥美恩的言論再次引發了一波熱議，有網民認同她的觀點，但也有網民反駁TVB也需要何太的話題：「擺明宣傳..與TBB各取所需」、「定東張搵佢」