何太直播突爆喊被指無眼淚！何伯大讚繼子孝順過親生仔：我夠眼光

時事熱話娛樂新聞

By Jennifer on 14 Jun 2024

Digital Editor

今晚食乜餸：小二，嚟一碟花生！

76歲的何伯和何太最近成為社會熱話，房屋署署長羅淑佩點名調查他們的個案，加上與翁靜晶在網上的罵戰而引起公眾關注。昨日，他們北上陽江在抖音上直播，期間何太情緒激動，甚至爆喊，而何伯則安慰愛妻。

Photo from TVB

直播中，何太提到曾與何伯拜祭已故的前何太，她表示向已故何太斟酒敬茶，又在對方墓前承諾會好好照顧軒哥（何伯），何伯坦言聽到何太的承諾大為感動：「當堂眼淚都流出嚟，有個咁好嘅老婆，同我拜亡妻。」

Photo from Facebook群組「何伯＆何伯老婆關注組」

Photo from 抖音

何太於直播中質疑何伯細女取走存款一事「唔係咁簡單」，她再次指責何伯的子女對父親不聞不問，實在令人心酸，並突然爆喊批評仔女遺棄父親。然而，何太雖然情緒激動，但被質疑是假哭，網民指她「一滴眼淚都無流！」

Photo from 抖音

眼見愛妻痛哭，何伯即氹她：「唔好喊喇老婆！我哋做嘅嘢有天地知，行得正企得正！」他維護何太：「我夠眼光，搵到呢個老婆。」何伯直播中多次向何太示愛：「我依家個心好甜！我老婆對我好好嘅，點都唔會分開。我老婆對我咁好，我真係笑住走。」

Photo from 抖音

何伯再次怒斥子女無法聯絡，更表示何太所生的18歲繼子比親生子女更貼心，自認現在只有一個仔：「個仔仲好過親生，對我仲孝順！」在這場直播中，何伯還提到自己的身後事，表示死後骨灰不運回香港，將在內地安葬。

Photo from 小紅書

何太仍對$450萬存款念念不忘，她表示6月28號就是銀行定期存款的到期日，她指：「睇下佢（何伯小女兒）會唔會回心轉意畀返佢老竇，佢唔畀真係打官司！」何太又在粉絲群中揚言會返內地發展！

Photo from 抖音

Photo from 小紅書

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

翁靜晶法律角度分析何伯事件何太被焫㷫正面挑機：你敢不敢見我？

11 Jun 2024

何伯與新何太早前高調接受《東張西望》訪問成名，而任律師的前女星翁靜晶亦有關注事件，並於早前在Youtube開直播以法律角度分析事件。怎料這一舉動就焫㷫何太，令何太激動疑似以「廢柴」批評翁靜晶，並發表質疑對方律師專業資格的言論。對此翁靜晶近日再開直播指會向何太發律師信，而火爆的何太亦唔輸蝕，正面挑機叫翁靜晶「放馬過來」！

Photo from 網上圖片

現任律師的前女星翁靜晶早前在YouTube頻道「危險人物2.0」直播，以法律角度講解「何伯事件」，並用相關案例助大家了解何伯取回450萬元的可能性，她曾指：「呢單CASE係個女攞走晒啲錢，即係唔關銀行嘅事，呢個都係一個比較叻嘅舉動，因為啲錢喺你手上，人哋要同你攞番都好難，攞走咗之後，邊個揸住就邊個惡，因為佢係根據佢嘅權益同條款而攞走晒，佢係攞得㗎嘛，呢樣嘢個女係冇做錯，亦都係合理合法。」翁靜晶亦提到在《東張西望》中，何太插嘴糾正何伯言詞一事，翁靜晶表示：「你見到嗰個大媽，喺訪問好緊張，因為個爸爸話如果我有乜冬瓜豆腐，將來由個女去承繼方便啲，個大媽即刻話唔好亂咁講嘢，呢個唔係承繼，係處理，其實佢（大媽）都唔想人哋承繼，想自己承繼晒。」

Photo from 影片截圖

事後有網民於何太的抖音粉絲群組中分享香港有律師分析何伯能取回450萬元的可能性，而另一位網民亦表示：「翁靜晶律師講好難喔何太。冇450萬有利息都好過一蚊都冇。」何太即時非常激動表示：「嗱，你再提呢個律師嘅名呢，我證明你同佢係一派，一派胡言呀你。」及後何太繼續鬧「律師」，指：「佢邊個講人哋呢450萬係佢嘅血汗錢，佢都冇得攞返嘅，佢呢啲都係廢柴，我點解唔敢講，我就懷疑佢個律師牌點樣買返嚟」、「嗰個律師會講咁樣嘅說話，證明個律師係廢柴嚟，個牌唔知係點樣得嚟嘅！」有網民提醒何太應小心說話，但何太依然繼續向對方作出各種批評，並質疑對方的律師專業資格。

Photo from 網上圖片

對此翁靜晶昨日（10日）就再開直播提到被何太質疑律師專業資格一事，「有人話，翁靜晶個律師牌，有人講個牌買返嚟㗎喎！哇，我聽到好開心喎！我就問喇，有得賣嗰個人⋯⋯喺邊度有得買呀⋯⋯如果買得起，買多個都唔錯喎咁樣。」她又笑言：「講呢樣嘢嘅人都幾傻！」另外在直播尾聲，翁靜晶亦提到將會向何太發律師信，「呢位大媽我對佢係冇敵意嘅，我唔會仇恨佢⋯⋯我知道佢想改善生活、改善家人嘅生活」、「但我都希望佢可以攞個愛心去對人哋嘅家人小朋友。」翁又指，應該用愛心去對人，給予其他人一個機會先禮後兵，「通常我做任何嘢之前都會先禮後兵⋯⋯我會作一個措施，作一個制衡嘅措施，律師信係會出，出咗之後如果佢係好人嘅，佢行善良嘅路唔好去傷害人，好好地去對家庭入面嘅人，咁就唔會有下一着；但如果好過分嘅，去傷害其他人嘅話，我出咗第一封信，我亦都可以隨時採取第二步行動。」