download HolidaySmart 假期日常 app
【九龍塘燦子】3大打卡位+期間限定精品店 多個鬼馬表情超趣怪(附日期+地址)

【九龍塘燦子】3大打卡位+期間限定精品店 多個鬼馬表情超趣怪(附日期+地址)

香港好去處 商場好去處
By Jennifer on 10 Jul 2024
Digital Editor

日本人氣sticker「SHO-CHAN」(燦子)首度踩入商場,舉辦全港第一個《玩轉燦子工作室》!除咗有燦子,好友酷瑪同妹妹小琪都會登場,擺出各種鬼馬表情及甫士,fans必打卡!同場仲有期間限定店售賣過百款獨家產品,即睇日期+地址。

日本人氣sticker「SHO-CHAN」(燦子)首度踩入商場,舉辦全港第一個《玩轉燦子工作室》

日本人氣sticker「SHO-CHAN 燦子」爆紅

「SHO-CHAN」(燦子)來自日本,但憑着生動趣怪的表情爆紅,以往燦子只有在Line推出官方貼圖,之前終於推出Whatsapp官方貼圖,隨即引起下載熱潮,可見佢人氣之高!

「SHO-CHAN」(燦子)來自日本,但憑着生動趣怪的表情爆紅

燦子將會喺7月19日起於香港舉辦首個《玩轉燦子工作室》,到時會有多個互動打卡點,可以同鬼馬嘅燦子合照!除咗燦子之外,仲有好友酷瑪同妹妹小琪都會登場,即睇以下3大打卡位:

燦子將會喺7月19日起於香港舉辦首個《玩轉燦子工作室》,到時會有多個互動打卡點,可以同鬼馬嘅燦子合照!

九龍塘燦子打卡位1|燦子幻彩燈牌

燦子企喺繽紛嘅幻彩燈牌前面,擺出搞怪表情,加上「回眸一笑」嘅pose,係fans打卡必到嘅位置!妹妹小琪拎住愛心牌亦十分可愛~

燦子企喺繽紛嘅幻彩燈牌前面,擺出搞怪表情,妹妹小琪拎住愛心牌亦十分可愛~

九龍塘燦子打卡位2|燦子玩具生產工場

燦子玩具生產工場位於正中間位置,首先會見到巨型的燦子雙眼變成彩虹「心心眼」,佢下面就係玩具生產工場,玩具生產機內充滿了燦子和一眾家庭成員,包括小琪、酷瑪、小淑、燦爸、燦媽、燦爺爺和燦婆婆嘅鬼馬頭像貼圖!

燦子玩具生產工場位於正中間位置

首先會見到巨型的燦子雙眼變成彩虹「心心眼」

玩具生產機外圍嘅輸送帶上有4個不同形象的燦子:一個躲在紙盒中探頭與大家打招呼、一個舉着多本燦子漫畫俏皮地奔走、一個呆萌燦子一臉害羞不知所措的站着,還有一個坐在輸送帶上高舉燦子海報,大家可以同呢啲「巨型燦子sticker」打卡影相

玩具生產機外圍嘅輸送帶上有4個不同形象的燦子

九龍塘燦子打卡位3|燦子隱藏打卡位

喺玩具生產機背面原來仲有鬼馬燦子衝破螢幕嘅一幕,大家記得唔好錯過呢個小細節!

玩具生產機背面原來仲有鬼馬燦子衝破螢幕嘅一幕

九龍塘燦子|酷瑪遊戲挑戰站

燦子好友酷瑪更化身遊戲挑戰站,佢嘅牙齒變晒彩色,等着大家拋波波挑戰!

燦子好友酷瑪更化身遊戲挑戰站

九龍塘燦子|期間限定店 售賣過百款獨家精品

燦子期間限定店門口有店長燦子同酷瑪、小琪迎接。期間限定店將發售多款周邊商品,當中包括首次發售嘅燦子粒粒產品,當中有3款特別版:鯊魚造型燦子、招財貓造型燦子、達摩造型燦子,以及多款可愛造型產品,如多款盲盒、燦子鍵帽及站立磁石牌等等。

燦子期間限定店門口有店長燦子同酷瑪、小琪迎接

期間限定店將發售多款周邊商品

期間限定店到處都有燦子!

《玩轉燦子工作室》
日期:2024年7月19日至8月20日
時間:11:00~21:00
地點:九龍塘又一城LG2層

《玩轉燦子工作室》期間限定店

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel