100蚊都唔洗！長沙灣新開西式fusion菜平食香煎鴨肝配焦糖蘋果忌廉汁～麵包都係自己整菜式充滿心思！

長沙灣有好多價錢親民嘅小店，食物質素唔錯而且價錢平，最近就新開左一間Fifty Fifty，係區內比較少見嘅西式fusion菜，環境舒適，食物質素相當唔錯呀，值得一試！

香港人鍾意食鵝肝，但係通常要去酒店食buffet或者高級餐廳先食到，但宜家來呢間平民西式餐廳都食到，呢個香煎鴨肝配焦糖蘋果忌廉汁，售價98蚊，唔洗100蚊就食到啦！

小編試食過，鵝肝剪得啱啱好，好香口，鵝肝入口即溶，配合焦糖蘋果忌廉汁，口感好新穎！

不過鵝肝真係唔好食咁多，淺嘗下就好啦，唔食鵝肝都有好多其他選擇，呢個炭燒阿根廷天使粉紅蝦忌廉汁闊麵($98)，一上碟就聞到好香嘅蝦膏味，師傅話咁重嘅香味係因為麵加入左兩隻蝦頭嘅蝦膏去炒，所以麵裏面有好濃郁嘅蝦味，睇得出廚師對食物花左唔少心思！

海鮮虎蝦龍蝦汁義大利飯（$108）

女孩子鍾意食creamy嘅食物，應該會鍾意呢個青蘋果藍芝士合桃忌廉意大利飯($78)，用左幾重藍芝士，芝士味道好重！

自家製鴨肝醬多士($78)，呢度嘅鴨肝醬都係自己整，而唔係開罐頭，所以食落特別新鮮香口！

另外值得一提嘅係，呢度連麵包都係師傅自己整，麵包特別鬆軟有口感，加少少橄欖油再加熱食，連唔食麵包嘅小編都覺得正呀！

地址
長沙灣東沙島街青山道181號地下C舖

電話號碼
36124901
營業時間
11:00-23:00

Text: Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編～謝謝～）

*本文章的圖片均經其本人或其公司授權，其他媒體不得轉載