【台灣超人展覽】四大展區：4米高超人雕像＋還原打怪獸經典場景（附日期＋地址＋門票詳情）

超人展覽登陸台北！展覽有4米高超人雕像，更展出歷代超人、怪獸，仲有由日本空運而來嘅戲服！展覽更會還原電影、影集中經典場景，讓一眾超人fans打卡！即睇日期＋地址＋門票詳情。

台灣超人展覽｜4大展區

台北超人展覽「超人力霸王英雄展」將展出從初代到最新即將登場的人氣角色、還原電影、影集場景、日本原裝超人、怪獸拍攝嘅道具同戲服，帶大家一起進入超人宇宙！遊客更可透過多媒體互動遊戲變身超人，一嚐打怪獸滋味！展覽共有4大展區：

台灣超人展覽展區1｜怪獸入侵場景

將會目睹怪獸入侵嘅對打場景，之後由初代超人帶領，進入超人宇宙！

台灣超人展覽展區2｜4米高超人＋巨型百體怪獸

「戰勝怪獸區」還原咗2010嘅超人電影《超人大怪獸格鬥：超銀河傳說THE MOVIE》經典對戰場景，4米高超人及巨型百體怪獸登場，尤如進入電影世界！遊客更透過互動體驗變身超人。

睇更多人氣文章：
香港航空宣佈恢復熱食餐點及甜品服務！7大航線免費提供飛機餐
台灣最大百貨商場預計2028年開幕！大型遊樂場、國際品牌進駐

「戰勝怪獸區」當然仲有唔同嘅怪獸登場！可以跳進波波池體驗攻擊怪獸的快感、再經由場景及影片深入了解不同怪獸的習性。

台灣超人展覽展區3｜歷代超人登場

超人系列最經典嘅「超人六兄弟」將會現身，展區亦又展出日本原汁原味嘅拍攝道具及戲服，呈現返超人及其周遭角色的關係與發展，了解超人近60年的悠久歷史。

台灣超人展覽展區4｜超人商店街

展覽最後亦設有商店，供fans掃貨！

台灣超人展覽詳情

【超人力霸王英雄展】
日期：即日起至9月15日
地點：華山1914文化創意產業園區 東2C、D棟
時間：10:00～18:00（17:30停止售票及入場）
票價：（單人票）420新台幣；（親子票）690新台幣

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）