何太大鬧屋邨怒斥保安！何伯疑半夜離家，地位一落千丈被嫌棄

近日何太於直播中表示有意改嫁到美國，仲話會叫何伯過去做管家。估唔到咁快又有新消息，有網友撞見何太喺屋邨大堂與保安起衝突，何太疑失控怒斥保安。有網友眼見何太手上拎住一封信，懷疑佢收到房署「收樓信」，而何太亦喺粉絲群回應事件。

何太早前開直播時直言如果未來老公唔嫌棄佢帶埋何伯同兒子，佢會離婚改嫁，佢又表示會帶埋何伯過去做管家。令唔少網民大為吃驚，何伯更痛哭指責何太：「我以為搵到個真心對我嘅老婆。」

何太直播後終於喺香港被網民野生捕獲，有網友指喺屯門公屋樓下撞見何太，當時何太正大鬧屋邨大堂，更大聲斥責保安。從網友分享嘅影片可見何太聲音非常之大，情緒激動，但由於拍攝者同佢有一段距離，加上何太半鹹淡廣東話，所以未能清晰聽出佢講緊咩。

不過亦有耳力好嘅網友指聽到何太話自己啱啱返嚟，而保安則叫何太去管理處，有網民見何太手上似乎拎住一封信，猜測佢可能收到房署「收樓信」，畢竟之前房署署長都公開指正調查有關單位。

Photo from TVB

不過何太就喺粉絲群否認收到「收樓信」：「係我樓上滴水屈係我，樓上滴水已經兩年多了，我一直都沒去投訴佢，我仔仔前天洗的衣服，前夜晚咁啱下大雨才可能出現滴水，我家只是一次都被壞人投訴了。」

有傳何伯半夜離開屋企，疑似「無家可歸」要喺出面過夜，不過未有任何證據證實，但何伯喺何太心目中地位卻明顯比之前下降唔少。繼之前何太於直播公開推開何伯兼怒睥對方，最近何太又再喺直播嫌棄何伯：「你好煩呀！」

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）