【亞洲天空之鏡】6大打卡秘景！日本、台灣都有唔使飛玻利維亞（附地址＋交通）
亞洲天空之鏡一｜中國茶卡鹽湖
茶卡鹽湖位於內地青海省，海拔3059米，非常接近天空，晴天時茶卡鹽湖倒映出藍天白雲同雪山，風景美不勝收！
夏天係旺季，天氣較暖，亦最易影到靚相！如果驚人流太多，建議喺5～6月、9～10月，天氣未變涼時到訪。茶卡鹽湖景區入場門票為60人民幣，如果要搭小火車、租用鞋套等需額外收費。小火車單程車費為60人民幣，景區亦有推出包含交通嘅套票，售價為168～198人民幣。
茶卡鹽湖地址交通詳情
地址：中國青海省海西州烏蘭縣茶卡鎮鹽湖路9號
交通：按此
亞洲天空之鏡二｜日本香川縣父母之濱
「父母之濱」近年大受歡迎，亦獲選為「日本夕陽百選」之一，日落時分同潮退重疊時可以拍出如同天空之鏡嘅美景！
父母之濱地址交通詳情
地址：〒769-1404 香川縣香川縣三豊市仁尾町仁尾乙203‐3
交通：高松車站乘搭JR予讚線前往JR詫間車站，需要1小時。從詫間車站再搭的士或巴士，20分鐘即可抵達父母之濱
亞洲天空之鏡三｜日本千葉縣江川海岸
日本嘅「天空之鏡」唔止一個！喺千葉縣嘅江川海岸亦係近年新興嘅景點，夕陽時份橙黃色嘅天空同大海真係超靚！
江川海岸交通詳情
地址：千葉縣木更津市江川576-6
交通：JR岩根站，搭乘的士，約6分鐘可到達
亞洲天空之鏡四｜日本和歌山天神崎
位於關西新興打卡點「和歌山天空之鏡」天神崎，「日本通」周奕瑋Jarvis喺節目《周遊關西》中大力推薦！
要達成天空之鏡係有3個條件：第一，要係潮退嘅時間，水位介乎140～150cm之間；第二，必須係晴天；第三，唔可以太大風，否則就做唔到波平如鏡嘅效果。
天神崎地址交通詳情
地址：和歌山縣田邊市天神崎
交通：由JR紀伊田邊站出發，乘坐龍神巴士（みなべ線）於「明洋前」站下車，徒歩約15分鐘；或騎單車前往，需時約20分鐘
亞洲天空之鏡五｜台中高美濕地
高美濕地面積達701.3公頃，擁有豐富嘅天然資源，亦都係台灣著名嘅天空之鏡景點，日落美景更係必睇重點。
Photo from 高美濕地 FB
Photo from 高美濕地 FB
高美濕地地址交通詳情
地址：台中市清水區大甲溪出海口
交通：搭臺鐵至清水站，轉搭臺中市公車178、179至高美溼地站
亞洲天空之鏡六｜馬來西亞沙沙蘭
馬來西亞嘅天空之鏡位置比較隱秘，位於沙沙蘭漁村海灘（Sasaran Beach）外一個神秘海島，每月只有兩日大退潮，海洋潮退露出淺淺沙灘，就出現「天空之鏡」～
沙沙蘭地址交通詳情
地址：Sky Mirror, Jeram, Selangor, Straits of Melaka, Malaysia
交通：Jeram漁村坐30分鐘的小船即可抵達神秘島
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
