從天而降超夢幻獨角獸梳乎厘班戟～鬆軟度100%！平日只限中環店咋～

By 123testing on 06 Oct 2017

如果你同小編一樣，每一日都唔可以無甜品，你就一定要睇到最後！
Holly Brown我諗最耳熟能詳嘅都係炒雪糕同埋個藍色雲呢拿雪糕啦～但除左雪糕、雪糕同雪糕外，小編發現佢地都原來都推出唔少好夢幻好靚嘅食物，估唔到係又食得又打卡得～

Photo from Presslogic
當中當然唔少得一班少女為之而瘋狂嘅梳乎厘pancake啦～但佢並唔係坊間平平無奇嘅梳乎厘pancake！佢係獨角獸嘅梳乎厘pancake～～～
而且顧名思義，你估獨角獸真係咁隨有可得咩，平日只限中環分店嫁咋！如果假日想食就要去荔枝角分店喇～

Photo from Presslogic

The Unicorn Pancake ($168)
呢個pancake真係用超少女同超夢幻黎形容都唔夠啊～真係好靚！小編我打卡都打左大半個鐘～
上面再搽上厚厚嘅cream，仲要係用上少女系嘅顏色～真係如何可以不愛它？
Cream係用雲呢拿味道，好香甜！好在又唔會太膩～～～係枱上面搖佢見到佢咁動L，成個畫面真係好治癒！
Photo from Presslogic

Pancake全部都係老闆Raymond自己親手整嫁～佢話寧願全部自己親手做，供應份量會少啲，但keep到個質素！
中間發蛋白等等嘅過程都係全人手，可以確保空氣打到入去，形造個動L嘅質感！
Photo from Presslogic
佢地仲研發左自家嘅secret formula去令到每一個梳乎厘可以膨脹到咁大咁高咁鬆軟！
Photo from Presslogic

Photo from Presslogic

Strawberry Angel Cream Souffle Pancake ($118)
如果鍾意士多啤梨嘅千祈唔好錯過！因為個層厚厚嘅cream真係充滿住草莓嘅香甜～而且酸酸甜甜咁，食落真係完全唔膩！
Photo from Presslogic

小編認為個梳乎厘pancake的確做得唔錯！食落有陣陣蛋香～而且唔會空氣感過份，好似搞到唔知食緊咩咁～雖然鬆軟，但仍然食到中間嘅綿密～
建議2-3個女仔share啊～因為個pancake食落都真係幾巨型！食完包你地都大～～滿足

因為全部都即叫即整，所以都要等一段時間～而呢個時候當然要叫番杯野飲解下渴啦～
每日個腦只係諗住甜品嘅小編，眼球深深比佢嘅shakes吸引住！
Photo from Presslogic

超邪惡但同時包滿足你sweet tooth嘅慾望有佢地嘅crazy shakes～～

Double Trouble ($98)
經典嘅藍色雲呢拿係呢個奶昔嘅Base，加上每日精選嘅冬甩～上面再唧上濃濃一層cream，灑上早餐脆片同Oreo！真係一次過滿足你十甜品個願望～
雲呢拿味有濃濃奶香，好似飲緊個雲呢拿雪糕落肚咁，好香甜～正啊！Photo from Presslogic

Photo from Presslogic

Willy Chocolate Party ($128)
仲有更邪惡嘅選擇，base係朱古力奶昔。側面痴上好多Oreo碎～而上面仲放上大大件brownie！仲未夠仲未夠～上面仲蓋左一大球朱古力味雪糕再加一個窩夫筒～
值得一提上面嘅brownie做得夠硬身，做到朱古力非常濃厚嘅質感～認真有無朱古力控想試下一個人KO成杯啊！
Photo from Presslogic