![通宵睇比賽 宵夜有乜好推介?全城熱捧 李錦記湯/拌麵系列!](https://image.presslogic.com/holiday.presslogic.com/wp-content/uploads/2024/07/d8e09c07.jpg?auto=format&w=718)
通宵睇比賽 宵夜有乜好推介?全城熱捧 李錦記湯/拌麵系列!
轉眼間又到四年一度嘅體壇盛事,每次一大班朋友聚埋一齊睇世界級比賽,自然會用盡全力去歡呼大叫,熱烈爭論之後肚餓是常識吧!有研究就表示,原來食宵夜可以令人有幸福又滿足嘅感覺!而揀食咩宵夜更加係一大學問!最近就有不少KOL極力推介一款湯/拌麵,仲表示連湯都要飲到最後一滴先肯罷休!原來係李錦記湯/拌麵系列,一邊睇比賽一邊食麵!簡直係最高嘅配套!
宵夜良伴最佳選擇
Photo from Lee Kum Kee
為迎接將近三星期嘅持久戰,家中必定要入定大量補給,李錦記湯/拌麵系列總共有五款味道,可以隨著每日比賽項目不同或心情而轉變口味,而且更有湯麵及拌麵兩種選擇!
Photo from Lee Kum Kee
三款湯麵味道分別有:擔擔湯麵、辛辣番茄湯麵、沙爹湯麵
擔擔湯麵就適合愛好小辣人士,湯底配合花生醬同花椒香辣油,鹹香濃郁,令人回味無窮!而辛辣番茄湯麵嘅湯底充滿濃郁鮮味,酸甜又開胃!加上特辣辣椒粉,又酸又辣帶俾味蕾全新刺激享受!怕受唔住特辣更可以自行調教辣度。沙爹湯麵將花生醬融合沙爹湯底,口感濃稠之餘極具層次!好味程度到連湯都飲埋!邪惡得嚟又夠晒刺激,而且三款湯麵嘅麵條都Q彈有勁,包你食到停唔到口!
Photo from Lee Kum Kee
有愛「湯」之人就必定有愛「拌」之人,若嫌湯麵會太過飽肚,不妨選擇拌麵系列,兩種口味包括:葱油拌麵同椒麻拌麵;葱油拌麵配上葱油、特製葱香拌麵醬油加上特鮮菇粉,食落每啖都有清葱香味,清新得嚟亦夠晒惹味!椒麻拌麵就適合嗜辣人士,集花椒香辣油、葱油、葱香拌麵醬油於一身,「麻」「香」味道做到合而為一,口感層次豐富,加上兩款拌麵麵條都係台式Q香波浪型刀削麵,好味程度絕對比餐廳有過之而無不及!
人氣KOL紛紛大推!
除了睇比賽可以食宵夜之外,其實平日收工返到屋企已經攰到半死,李錦記湯/拌麵系列絕對係一個懶人必備嘅好幫手!唔想食得咁隨便,簡單快捷又可以滿足到味蕾嘅享受,自然吸引到一班識食之人,就連人氣KOL都極力推薦!仲唔快啲囤定啲貨先?
Text:HolidaySmart editorial
Photo source:Lee Kum Kee
Featured for:Lee Kum Kee
^本文章的圖片均經其本人或其公司授權,其他媒體不得轉載