柬埔寨隱世桃源—西哈努克港！陽光與海灘～超靚夕陽～

一講到柬埔寨，大家可能都只會諗起吳哥窟，今次小編就介紹一個好受當地人歡迎嘅陽光海灘比大家～
西哈努克港係柬埔寨最大嘅海港，主要係由四個海灘組成，西哈努克係50年代先開始發展，所以仲未被過度開發，好多金邊嘅白領周未都會過黎玩架～由首都金邊坐車過去只需要4小時！

Photo from Instagram

金邊有好多唔同嘅巴士公司都有經營金邊去西哈努克呢條線，由$8美金到$12美金都有，大家可以自己格下價～
不過一分錢一分貨～提提大家坐$8果架係會好迫架！
如果大家唔想辛苦坐長途車嘅話，亦都可以由金邊坐飛機過去，全程只需半小時！但要留意返呢條航線一日只有一班～

Photo from Instagram

市內嘅交通工具主要都係TukTuk～
到咗西哈努克嘅巴士站，就會有好多TukTuk司機過黎問你去邊，所以都唔洗怕無車架！不過由於TukTuk係自由開價嘅，大家格好價先好上車呀～

Photo from Instagram

Serendipity beach係西哈努克最熱鬧同多人嘅海灘，沿住海灘都係餐廳同小販賣紀念品，如果你喜歡熱鬧，就一定要係呢個沙灘度流連下～行下街～
而如果你喜歡安靜嘅話，Ochheuteal beach嘅南邊就絕對係你嘅不二之選！果邊嘅Resort都好靚～而且人亦都相對較少～

Photo from Instagram

沿住沙灘上面主要係大大小小嘅Resort，但同時亦都有好多Spa提供比遊客，最平嘅Body Massage都只需要$10美金一個鐘，一邊對住個海一邊做Spa，正到～
如果你唔中意係室外做Spa，大部分嘅Resort都有經營私人Spa嘅～只要Walk In入去問就OK！

Photo from Instragram

除咗Spa之外，係海灘上面會見到有啲人拎住牌行黎行去Sell Boat Trip，有好多海上活動可以玩！例如浮潛、跳水、去無人島訓搖床等等～
一個Boat Trip就可以玩半日，而且包接送包午餐，係隻船度真係會唔小心嘆到差啲訓著呀～

Photo from Instagram

睇埋日落就Perfect～

Photo from Instagram

到咗夜晚，仲可以去當地出名嘅Otres Market，Otres Market其實係一間酒吧嘅名黎，佢地仲會有音樂會同小市集，又有野食又有音樂聽仲可以買手信，超值呀～
不過留意返佢地係旺季嘅星期六先開架！所以記得要安排好時間啦～

Photo from Instagram

Text：Holiday Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編～謝謝～）

*本文章的圖片均經其本人或其公司授權，其他媒體不得轉載