做OL都可以做得好健康～冷壓果汁係乜東東？點解咁健康？介紹中環有個大媽為你鮮榨冷壓果汁！

依家愈黎愈多人著重健康，所以多左好多冷厭果汁係市面上售賣～都飲過唔少係連鎖式經營個啲！但你又有無試過大媽即榨新鮮冷壓果汁呢？

究竟冷壓果汁係乜東東，對身體又有咩益處呢？
其實由於經高溫烹煮嘅食物都係會破壞左入面嘅纖維同營養，對於蔬菜同生果就更加啦～而冷壓果汁顧名思義就係無用過任何高溫只係利用左高壓機去將蔬果榨成汁，係過程係無產生熱力嫁！咁咪可以保持到個水果嘅原汁原味同佢嘅營養囉！

而想飲即榨嘅可以黎到中環嘅小小一條歌賦街，原來佢地隱藏左個大媽DAMA默默為大家新鮮冷榨果汁～因為連鎖要大量生產又要運黎運去，難免要加上一啲化學物料或者防腐保存～
Photo from Presslogic

即榨就唔同喇，佢地標榜真係完全唔落糖、唔落化學物料、防腐劑，絕對係100%天然嫁～Photo from Presslogic

「我地做比人飲嘅要好似自己飲嘅一樣嘛！自己都想飲杯野係健康嘅，唔會求求其其囉～」
呢位大媽原來真係好講究，連用黎洗淨水果嘅水，都要求要同電解水黎去清洗～
每杯果汁都咁講究，小編都好佩服啊～～～Photo from DAMA official Facebook Page

小編試左兩款都讚口不絕～
先係感覺上會比較難令人接受嘅羽衣甘藍果汁，本身諗住點都洗唔走草青味！但經過DAMA勸服，佢話自己已經調教好哂味道～對自己嘅飲品超有信心，一定係鮮甜易入口！試完真係不得不比個like佢～用左幾片檸檬就好似魔術師咁完全去卻左羽衣甘藍嘅草青味！真係估佢唔到啊！飲落聞到羽衣甘藍嘅味道，但飲落係真係香甜解渴～
Photo from Presslogic

而另外一杯係紅菜頭果汁～
配上幾款時令嘅水果，味道會飲到紅菜頭而帶清甜！好味啊！Photo from PresslogicPhoto from Presslogic

佢地仲有用玻璃杯整到靚靚，擺入唔同嘅水果同花而整成嘅Detox Water - 排毒水！飲番杯Detox Water，真係可以幫助緩和情緒同消除疲勞嫁。
而且見到佢靚靚嘅杯都即刻開心番哂啦！Photo from DAMA official Facebook Page

Photo from DAMA official Facebook Page

除左飲品，DAMA仲有沙律供應～如果各位OL真係想健健康康食個lunch，可以嗌佢地嘅salad set，包埋飲品！Photo from DAMA official Facebook Page

DAMA
地址：中環歌賦街33號地舖
電話：23388825
營業時間： 星期一至六 12:00-19:00

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

*本文章的圖片均經其本人或其公司授權，其他媒體不得轉載