鄭中基出聲明認患抑鬱兼酗酒 將與太太赴美接受戒酒療程！

鄭中基最近在社交平台宣布因情緒及健康問題，將會暫時休息，並與共事多年的經理人湘姐終止合作，引起網友熱烈討論。而今日（6日）他就再發表長文，袒露自己患抑鬱症及酗酒，及後完成工作將會由太太陪同，到美國接受戒酒療程！

Photo from 鄭中基 FB

鄭中基近日突然發表聲明，宣布與處事多年的經理人湘姐（何慶湘）終止合作，更聲稱自己因情緒及健康問題，下月高雄演唱會後將會「離開」，引起不少網友的討論，關心鄭中基到底發生何事。而今日（6日）鄭中基終於發表長文解釋自己狀況，透露自己的健康問題，表示平時搞笑、大癲大肺背後，自己其實仍然是一個不懂面對壓力以及並不成熟的人。

Photo from 網上圖片

他亦有再度提起2000年飛機醉酒鬧事事件，以及與阿Sa的一段婚姻：「仲記得2000年我因為喺飛機醉酒鬧事，引致好多我嘅fans失望，仲有影響到我嘅家人，後來我決心戒咗酒，想要做一個清醒嘅人。之後喺無向公眾交代情況下，我經歷咗一段好短嘅婚姻，呢段婚姻令到我好唔開心，亦好好咁反省過自己嘅問題。」不過幸好遇到現任太太余思敏，令其覺得要走入另一個人生階段，鄭中基更指組織家庭係一件好幸福的事。

Photo from 網上圖片

即睇更多人氣文章：
香港航空宣佈恢復熱食餐點及甜品服務！7大航線免費提供飛機餐

台灣最大百貨商場預計2028年開幕！大型遊樂場、國際品牌進駐

然而他就透露：「當面對壓力、面對工作、面對人嘅時候，原來我自己嘅問題係無徹底解決到，好多嘢我都未能做到好好去溝通，好多嘢我都無處理好，令家人失望。」於是在朋友建議下看了醫生，發現自己患有抑鬱症，並再次選擇以酒精逃避：「當時靠食藥控制，然而我再次做咁個錯誤決定，選擇咗飲酒去逃避現實，太太都有同我講，我係自己呃自己。壓力終爆煲，用咗呢幾日時間好好反省自己，工作忙唔係藉口，唔識溝通就要去學識溝通。」

Photo from 鄭中基 FB

最後他亦向屋企人、太太同仔女道歉：「我會用時間同行動去證明我會努力做好丈夫、爸爸同鄭中基既呢個決心。」並指在完成手上的工作後，將會在太太陪同下到美國參加戒酒中心療程：「都50幾歲嘞，我要去諗清楚點樣去面對自己，然後先可以面對大家，我希望返黎之後可以做一個更好嘅自己。」

Photo from 鄭中基FB

Photo from 鄭中基 FB

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）