【巴黎奧運】梁思浩爆TVB多次獨家訪問運動員真相 公開採訪課金「買位」價錢！

巴黎奧運還有兩天便正式閉幕，今屆香港多間傳媒包括TVB、ViuTV、HOY TV、香港電台等都有派員採訪奧運最新消息。其中，TVB就因獲得多次最快及獨家訪問運動員的機會而受到外界質疑。對此梁思浩近日就於節目中大爆TVB獨家訪問真相，並公開採訪課金「買位」價錢！

Photo from 節目截圖

梁思浩日前於網上頻道節目《娛樂好好玩》上談論有關巴黎奧運的話題，當中談及到外界曾質疑TVB多次獨家訪問運動員的問題，梁思浩就還原了獨家真相。他解釋TVB並非取得獨家採訪權：「奧運之前，無論TVB、ViuTV、HOY TV 抑或港台，均可以申請買嗰個位，(獨家採訪位？) 唔係只得一個位，大概幾多錢呢？不多過廿萬，係唔多架，我問埋架啦，係低過廿萬，可以響最貼近所有選手嘅訪問區進行訪問。」

Photo from 節目截圖

即睇更多人氣文章：
香港航空宣佈恢復熱食餐點及甜品服務！7大航線免費提供飛機餐

台灣最大百貨商場預計2028年開幕！大型遊樂場、國際品牌進駐

同時他亦指出TVB這次作出了明智的抉擇：「點解其他電視台無畀錢，其實係前後次序問題。」解釋原來在政府未公布購得奧運播映權前，TVB已決定買採訪位，「其他電視台諗緊我地(指政府)買唔買奧運播映權呢？如果唔買的話，但又畀左廿萬攞個位，到頭來咪得個桔囉。」然而梁思浩就稱：「當時TVB嘅總經理下決定，唔緊要啦，不如買咗個位先啦，所以唔係其他台買唔到，係其他台唔肯買，係TVB總經理自己決定買嘅。」

Photo from 節目截圖

Photo from TVB截圖

梁思浩其後續稱希望大眾明白沒有不公平的情況存在：「其他台都可以買架，同埋錢唔多，係低過廿萬，如果對一個電視台嚟講，廿萬唔係多錢。人家問均咁多間買唔買，到頭來佢買咗，其他人就唔買，你就話佢霸到，咁就唔得啦。」但亦有網民就猜測是其他電視台怕付錢後，吸引不到觀眾收看，對此梁思浩則言：「廿萬對一個電視台嚟講，咪鬼慳呢啲錢啦，今次TVB贏係人地當時開會，總經理決定畀嗰廿萬嘅，明智囉。如果政府無買到奧運咪算囉，唔係單單都贏嘅。」

Photo from TVB截圖

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）