![何伯何太認收信被逼遷 住酒店遭警察到場趕走 要求與房屋局局長談判︰想加害我定點?!](https://image.presslogic.com/holiday.presslogic.com/wp-content/uploads/2024/08/525628b4.png?auto=format&w=718)
何伯何太認收信被逼遷 住酒店遭警察到場趕走 要求與房屋局局長談判︰想加害我定點?!
何伯何太經《東張西望》報導後一夜成名,只是成名以後他們的美滿生活亦似被打破。早前何伯被證實在未加名情況下長住何太的公屋,對此房屋署署長羅淑佩就曾表示會嚴肅跟進事件。而近日何太亦被懷疑已收房署「最後通牒」敗走要住酒店!直至昨晚(12日)何太就開直播承認的確收到房署來信要何伯搬離公屋,於是兩人便搬酒店暫住,怎料期間竟仍遭到警察到場趕走,令何太崩潰大呼要與房屋局局長談判!
Photo from 影片截圖
事源昨晚(12日)網台「無糧軍師Water」收到網友報料,稱見到何伯何太黃昏在天水圍一間酒店現身,並在警察陪同下拖篋走人,閉路電視中亦拍到警察與二人現身公屋大樓內,令人一眾網友好奇他們是否被捕。其後何太同日晚上就有開直播,指兩公婆原本住天水圍某酒店,怎料卻被「黑粉」投訴並遭酒店趕走,令其相當憤怒!
Photo from Youtube@無糧軍師Water
Photo from Youtube@無糧軍師Water
何伯何太在直播中承認上周五已收到房署發信,信中指若何伯繼續居住在該公屋的話,就會再發出搬遷通知書,而自當天起何伯便已搬離公屋,兩夫妻其後四出搵酒店入住。對此何太怒稱自己受房署打壓,並要求要與房屋署署長羅淑佩以及房屋局局長何永賢對話:「我需要同何局長對話!我星期五已經同你啲房屋署職員傾好咗,我遵從你哋柯打,從嗰日開始我老公已經冇再喺嗰度住,點解你仲要出一封信壓逼我?咩意思?想加害我定點?」
Photo from Youtube@無糧軍師Water
何太更在直播中多次強調星期五起何伯已再沒有住在該公屋,只是會回去煮飯食、洗衫、執行李等等,全部有閉路電視為證,並冇違規,但仍再被房署職員「搞」,促請何局長要正視問題,希望有關當局秉公辦理,不要在不知情下任由下屬亂講亂做,更鬧房署職員「X街」。何太指自己已忍無可忍,「房屋署做做下都亂嚟,我真係頂佢唔順!今晚我忍無可忍,嗰日星期五,你竟然咁決絕,你話最後一日,我都執行,嗰晚之後我老公都冇再喺嗰度瞓。今日又嚟搞我,我都鬧咗佢一身。我都失晒控,你都亂嚟嘅……」
Photo from 影片截圖
另外何太亦指出夫妻二人在住酒店期間遭到「逼害」,稱:「香港好快立立亂,依家連酒店老闆都騷擾人,10號我哋住天水圍,下晝我都落咗單,畀咗錢,都即刻取消咗,冇得畀我住都要退錢呀。差人喺嗰度了解事情,所以申請緊,客服話三至五個工作天退房錢……」何伯又向香港政府喊話,稱:「我要香港政府聽到呢句!我哋訂咗酒店,佢話黑粉打電話騷擾!」何太:「佢意思話唔敢做你哋生意,你要退錢㗎嘛!」何伯續說:「你俾佢威脅住!香港政府咁嘅!俾嗰班人作反都唔理嗰班人?香港就嚟俾佢玩沉喇!」
Photo from 影片截圖
二人同時亦質疑,不解酒店為何在不接受他們訂房後要報警,反問:「發生咩事?點解要搵警察搞我哋?唔畀我住我只係要求退錢,叫警察到底咩事?」何太又稱:「你陀得支槍要盡職盡責喎!」、「我要睇你班黑粉控制到人哋幾間酒店至得!個社會點樣俾你搞!」
Photo from 影片截圖
而最後何太亦提到夫妻二人被趕離天水圍酒店後,現時住在李嘉誠旗下的酒店,因相信以李嘉誠的成功,不會輕易被黑粉威脅到,「我專登搵香港首富投資嘅酒店嚟住!我就唔信冇人炮製你呢班胡作非為嘅人!」又說:「我要睇下香港首富會唔會俾你威脅得到!黑粉敢唔敢威脅人,未食過國家糧、皇家飯頂喇!」
Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)