緬甸超靚佛塔風景！坐熱氣球飛上天空俯瞰古城～一生人必去～

緬甸係香港黎講都算係比較冷門晚旅遊點，不過好彩香港有直航可以飛去緬甸仰光，要去就一啲都唔難！
當中最出名就係三城一湖，可以稱得上係作為背包客一定要去嘅四個地方～今次就介紹其中一個城—蒲甘！

Photo from Instagram

蒲甘可能對大家黎講都比較陌生，由仰光去蒲甘嘅方法主要都係坐Night Bus，車程大約10-11小時，聽落好似好耐，不過個人認為緬甸嘅Night Bus都算舒服，唔會太迫，夜晚出發，第二朝清晨就到～
而且為咗蒲甘咁靚嘅風景，坐幾耐都抵呀～

Photo from Instagram

緬甸係佛教國家，所以最多嘅風景就係寺廟同佛塔。

Photo from Instagram

蒲甘有三間熱氣球公司，包括Balloons Over Bagan、Oriental Ballooning Bagan、Golden Eagle Ballooning Myanmar，
不過冬天（10月-3月）先有得玩架！所以記得要睇好時間安排行程～
價錢方面大家可以自己上佢地嘅網站格價，大約都係有唔同種類嘅熱氣球可以比大家選擇。

Photo from Instagram

小編係度提提大家，由於熱氣球係蒲甘係熱門行程，所以最好唔好去到先訂啊～因為多數都會滿額，建議最穩陣早一個月Book定～
去到酒店之後可以再叫酒店幫你地打電話去熱氣球公司Double Confirm你地嘅熱氣球Booking。

Photo from Instagram

有啲Package仲包早餐，當大家係熱氣球落黎之後，飛行員就會同大家一齊飲香檳，食個靚早餐，仲會派證書比你證明你已經完成呢個熱氣球之旅啦～

睇完日出大約都係朝早七點幾八點，仲有成日可以去玩！

Photo from Instagram

交通方面，熱氣球公司會包接送架～所以大家只要比你入住嘅酒店名比熱氣球公司就得！

Photo from Instagram

（小編公告：如果讀者有任何關於美食、旅遊、玩樂、或者任何新奇有趣事物嘅資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

*本文章的圖片均經其本人或其公司授權，其他媒體不得轉載