港男幫襯$60速剪慘變「河童」 怒斥師傅剪完出舖頭笑 決定貼街招報仇？！

近年速剪盛行，不少人貪平貪方便都會選擇到速剪店修理頭髮。然而近日就有位港男以60元光顧某間速剪店剪髮，怎料慘被師傅剪成「河童頭」！而該名師傅事後不但完全沒有愧疚，反而「走左出鋪頭笑」，令事主相當憤怒將事件放上網「公審」，並決定貼街招報仇！

Photo from Facebook截圖

事源，日前港男在Facebook群組「全港店舖消息（開張/執笠）關注組（店舖/餐廳/零售/商場/小店/大集團/實體經濟）」中發文，分享自己到單剪髮型屋剪髮中伏的經歷，表示：「坐低同個師傅講三邊修短啲，唔使剷青，前面剪碎就得」，結果該髮型師竟無視事主要求直接用電鏟將樓主剷青，並「求求其其5分鐘就當剪完」！就在事主剪髮後看成果時，竟驚訝發現自己已變「河童」，左耳上全部頭髮鏟到全青，「同其餘部份完全唔係一個layer，成個頭睇落成個河童咁款」。

Photo from Facebook截圖

更令事主感到憤怒的是，事後幫事主剪髮的男師傅竟然沒有一絲愧疚，反而「走咗出舖頭笑，道歉都冇個」。而另一女師傅則只是取出投訴電話予事主，「個女師傅淨係識拎住個投訴電話叫我打去嘈」，事主更用手機拍片記錄遭遇望師傅給他個交代，「剪到個頭好似河童咁呀，好似比狗咬」，並直嘆現時香港剪髮的服務質素堪憂，難怪有許多港人北上消費。

Photo from Facebook截圖

事件曝光後網友們亦議論紛紛，有人同情事主：「堅慘」、「點出街啊」、「係你carry 個頭，唔好俾個頭carry 你。認真，佢真係唔識剪架喎」。但亦有網民認為事主不應有太多要求，「其實你俾六條嘢，間舖俾返六條嘢嘅師傅你都好正常，點解人哋要出邊六舊水搵返相熟嘅師傅？」、「俾蔗渣嘅價錢，想要燒鵝嘅享受！」、「單剪你想點？」、「合理，剪得好就唔洗收你幾十蚊，你估唔洗學唔洗經驗同時間？」

Photo from Facebook截圖

然而事過幾日想不到事件仍有後續，有網友近日發現疑似是事主本人忿忿不平在街邊貼街招向速剪店報仇！從網友分享的圖片中可見，該將街招除貼了了速剪店位置外，亦寫上「剪完5分鐘變『河童』」、「剪完個師傅都走出舖頭笑」等字句。令不少網民爆笑，稱「嬲到印街招，應該真係超嬲」、「好慘，但好好笑，睇嚟佢真係好嬲」、「還去貼傳單，可見怨念超級深」，但亦有少部份網民認為該張街招是該髮型屋藉此機會賣廣告，「會唔會係曲線marketing」、「其實懷疑係廣告」等。

Photo from 網上圖片

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）