「鴨王」何浩文網上呻遭肥妹阻路 公審行為被指網暴 敢言反駁：講事實冇屈都有問題？！

現年35歲的何浩文（Dominic）早年憑電影《鴨王》一脫成名，他多年來亦對自己體型管理非常嚴格，有做健身教練和打拳等。而近日他就突然在社交平台上大呻自己被阻路的經歷，指自己早前吃熱狗時竟被一位「肥妹」阻路，令其相當無奈。然而帖文一出就有網友相當不滿其行為，認為是在網暴及公審對方，引起討論！

Photo from 何浩文 IG

何浩文在社交平台上分享自己被阻路的經歷，提到對方是「肥妹」，他寫到：「啱啱喺ikea食熱狗，有個個樣唔耐煩嘅肥妹阻住咗條路，我攞完熱狗講咗唔該，佢郁咗大概4cm左右 我心諗其實你個身型郁少少同冇郁冇分別㗎行埋一邊可以嘛？想搶口嗰刻佢男朋友叫佢行埋一邊佢先行埋少少 點解咁多人鍾意阻住人」

Photo from 《鴨王》海報

Photo from 何浩文 IG

其貼文一出馬上引起網民關注，有人分享自己同樣被「肥妹」阻路的經歷，但亦有人批評Dominic行為是在網暴及公審對方，斥責指：「作為明星body shame（即羞辱他人的體型））人？」。然而Dominic本人就不同意自己是Body shame，並回覆：「同body shame冇關係，係面積。即係咁講，一條路say 2米，我當一個人肩闊一米正常可以行兩個人，如果你肩闊去到1.5米，係打橫企喺度另外一個人係咪行唔到啊？咁呢個時候你要點做啊？常識嚟㗎咋」。

Photo from 何浩文 Threads

其後討論亦越演越烈，Dominic只好在作回應緩和網友情緒。指：「唔緊要，因為有時有啲嘢真係關體積問題。而當時各（嗰）位妹妹體積真係大，如果講事實都有問題呢個世界真係咩都唔講得。」、「唔係話肥本身係咩問題，但係如果你體積大又唔讓人行就係一個好大嘅問題。條路得你一個用咩大佬呀」

Photo from 何浩文 IG

而最後Dominic亦有再出多個Post發表自己的感受，他認為很多人太敏感和自卑，搞到咩都唔講得，「肥唔講得瘦唔講得坐輪椅唔講得揸拐杖唔講得唱得唔好唔講得跳得唔好唔講得，重點係完全係講事實冇屈都有問題。郁啲就話你body shame人呀打擊人呀haters呀人品唔好呀等等，年中我搶口度（到）人道歉都唔知（止）嗰一兩個，我真係唔會理呢啲人繼續有嗰句講嗰句，當然要人不犯我我不犯人啦就」相當敢言！

Photo from 何浩文 Threads

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）