［10月8日至15日免費開放］維園網球同樂區! 岩晒一家大細去玩啊!

10月8日至15日維園將舉行《保誠香港網球公開賽2017》，公眾除左可以欣賞一班網壇巨星大展身手之外，公眾人士均可以免費入場到《網球同樂區》一齊睇網球直播，區內有唔同類型嘅家庭親子活動同攤位，仲有特色食品，岩晒一家大細黎維園玩呀～

等小編入去睇下有咩玩先～

本地年青球員吳希澄同楊焯慧即場試玩遊戲網球彈珠大比拼睇下邊個最高份先！

Photo from Presslogic

嘩！好大個網球呀，呢個架空巨型網球遊玩區小朋友見到一定好開心！

Photo from Presslogic

仲有個迷你網球場，等小朋友可以一展身手！

Photo from Presslogic

每晚約6:00pm-6:30pm喺區內有球技表演添架。另外每晚約6:45pm-8:30pm仲有現場樂隊演出。

Photo from Presslogic

網球同樂區內齊備各式各樣嘅玩樂元素，又有現場娛樂表演、互動遊戲、網球直播岩晒大人小朋友呀！

Photo from Presslogic

大人小朋友都可以試下去自製杯麵，揀一款湯底仲可以選擇四款配料添呀！

Photo from Presslogic

你可創作製作世上獨一無二，完全屬於你嘅杯麵﹗因為從杯身設計到湯底配料選擇都由你渣主意架！仲有個咁靚嘅包裝！好正呀～

Photo from Presslogic

嘩！仲有掟彩虹贏取豐富獎品～

Photo from Presslogic

維園士多以七十八十年代嘅懷舊玩具同小食作做裝飾，等市民可以愐懷昔日小食，仲可以玩下個懷舊攤位遊戲添～

Photo from Presslogic

小朋友可以繪畫形式製作愛心T恤，大人亦都透過電話程式製作架！愛心T恤所籌得嘅款項將用於支援網總為來自基層家庭有特殊教育需要嘅年幼學童提供免費網球訓練架～

Photo from Presslogic

場內嘅小食同飲品都好貼題架！要試下個芝士雞肉網球包先~仲有網球型杯嘅Honey Moon 同Summer Berries，夠晒醒神呀！

Photo from Presslogic

Photo from Presslogic

試下個黃者熱狗啦！點解叫黃者熱狗因為加入左特式鹹蛋蛋黃醬囉。仲有麻婆豆腐漢堡包、德國腸、長洲巨型魚蛋、鮮果雪條等等嘅美食～咁特別嘅野食又點可以錯過！

Photo from Presslogic

Photo from Presslogic

Photo from 網球同樂區官網

如果想睇球賽嘅朋友，可以留意返部分賽事係免費入場，賽會將正賽首日10月9日命為「全民參與星期一」，免費開放主場同另外兩個比賽場地嘅賽事俾市民入場觀看。之後正賽事次日命為「星期二學生日」，全日制同學仔可以免費入場參觀賽事。
詳情請留意官網

地點：維園網球場（近天后入口）

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

Holiday長期歡迎大家投稿～我哋會為你開一個個人帳戶作發表文章之用。文章類型包括美食、旅遊、玩樂等同Holiday相關既事物～投稿可以傳送到 holiday@presslogic.com比小編檢查一下先，記住要附上100字內自我簡介。 另外文章一經採用，編輯將會進行潤飾。期待你哋既大作啊！