中年好聲音2｜鄭梓浩「小四」被爆係孫耀威胞妹 人母寂寞難耐偷食 出錢包養兼裸聊？！

昨日（5日）《中年好聲音2》11強止步前歌手鄭梓浩（Brian），被拍拖7年前女友Grace爆料指控是「終極渣男」，長期偷食腳踏三船，更指證鄭梓浩被半個圈中人「小四」包養！而今日Grace就再度爆料，開估原來「小四」正是同為《中年好聲音2》參賽者，孫耀威胞妹、43歲已婚及育有兩子的孫美賢（DaDa）！

前情：中年好聲音2｜鄭梓浩被女友控「終極渣男」長期偷食腳踏三船 自稱性無能呃補品？

Photo from 鄭梓浩 IG

鄭梓浩（Brian）前女友Grace今日（6日）再向媒體爆料，指證Brian「小四」正是孫耀威胞妹孫美賢（DaDa）！兩人是在孫美賢比賽中被淘汰後，孫耀威為妹妹搞的唱K飯局上搭上， Grace更形容兩人是姣婆遇着脂粉客：「鄭梓浩表明有『老婆』，但孫美賢唔理，借意關心鄭梓浩傾心事，又話『老公唔理佢，佢背夫同老外上司拍咗7年拖，不過已分手，所以今次返港搵男朋友。』鄭梓浩就晚晚扮練歌坐喺樓下大堂等電話，之後2人開始玩祼聊，鄭梓浩影埋自己下體相撩孫美賢。」

Photo from TVB圖片

Photo from 孫美賢IG

Grace亦指出孫美賢曾出錢買機票予男方出遊，又預約五星級相約男方短聚，及後又先後花十萬於元朗與鄭梓浩聯名租屋及提供生活費，並叫孫耀威平讓房車予鄭梓浩，開宗明義要長期包養鄭梓浩，期間鄭梓浩曾為此一度搬離與Grace同住居所。直至後來Grace發現鄭梓浩「偷食」證據，鄭梓浩才為錢再返Grace身邊，搬回Grace屋企疏遠孫美賢。據說孫美賢期間曾一直糾纏，並追討先前的10萬蚊生活開支，甚至在抖音直播中留言及搵收數公司、律師到Grace屋企追數，不過Grace對此就不屑道：「佢要求我代還，佢包仔，叫我埋單？佢都幾好笑喎！」

Photo from 孫美賢IG

最後，Grace亦力斥孫美賢好唔檢點：「佢有老公又有兩子點解仲要搶人老公？佢真係好淫賤呀」。她更爆出原來「中音家族」早已怕咗孫美賢，指孫美賢曾多次凌晨3點約單身的《中年好聲音2》參賽者沈宗賢到蘭桂坊飲酒，「沈宗賢都收到風條女係『食家』驚咗佢；反而朱博文做咗『兵仔』。」最後，Grace更取笑鄭梓浩自以為萬人迷：「佢話有位爆紅視后媾佢，講到上埋床，視后及經理人收到風，鬧爆話再亂傳就告佢誹謗」。

Photo from 孫美賢IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）