東京都內行到悶？出走去近郊啦！橫濱必遊5大景點～心曠神怡影相一流！

By 123testing on 09 Oct 2017

計劃去到東京旅行嘅朋友淨係諗到去東京都內購物血拼？如果想行程再豐富啲，不妨考慮下安排啲時間離開東京都心，到東京近郊的橫濱到行下玩下！

橫濱係東京近郊嘅一個都市，其實可以參觀同玩嘅地方有相當多，想要黎個個橫濱一日/兩日遊都可以。以下落黎就先同大家介紹五個必去嘅橫濱景點啦!
橫濱海洋塔
橫濱海洋塔喺山下公園旁邊,遊客可以上展望台欣賞美麗風景。早上可以看海,晚上可以所賞橫濱市區夜景。橫濱海洋塔到左夜晚會點燈，所以從外面看橫濱海洋塔都好漂亮。從山下公園往橫濱海洋塔望去，高聳的塔配上會隨時間季節變換燈光的展望台，非常適合做情侶嘅約會點，而拍照打卡都一流～另外，橫濱海洋塔亦有被稱為戀愛聖地，因為據說喺呢度求婚嘅成功率係高達100%！根據準備求婚嘅客人要求，電梯、展望台燈光，以及背景音樂都係可以改變，配合埋工作人員協助策劃，所以要成功絕對唔難～橫濱海洋塔每個月可供10~15對戀人使用，名額有限，有計劃嘅朋友仔記得預早book！

Photo from 日本橫濱觀光信息 Official Facebook

橫濱海洋塔
地址 :神奈川県横浜市中区山下町15番地
交通 :元町・中華街站徒步1分
營業時間 :10:00～22:00 ※展望台營業時間至22:30

橫濱大世界
橫濱大世界係一個複合式娛樂設施，唔同層樓都有唔同野玩、買同睇！一、二樓有伴手禮及飲食店，主要都係以中華圈的商品為主，三樓以上就有博物館體驗設施，好似係近年流行利用眼睛錯覺令圖片嘅影像浮現出來，或者利用各種設施來拍出不可思議的照片嘅3D體驗館。所以黎呢度唔單只係享用美食同買手信，仲記得要去參觀樓上呢啲有趣展覽，無論一班朋友、情侶，甚至係一家大細黎都好適合！

Photo from Instagram

Photo from 横浜観光情報 Official Facebook

橫濱大世界
地址 : 横浜市中区山下町97（横浜中華街・天長門正面）
交通 :元町中華街站　３號出口徒歩２分
營業時間 : 1F /　周日到周四 9：30～21：30
週五週六及國定假日前一日9：30～22：00
2~3F /　周一到週五10：00～20：00　　週六日及國定假日10：00～20：30
3~8F/ 　周一到週五 10：00～20：00　週六日及國定假日10：00～20：30

橫濱港未來21－大棧橋
位置於橫濱港未來21的大棧橋其實唔係真係一條橋黎,而係棧橋造型嘅客船轉運大樓，裡面有展演空間及展示場。大棧橋相當適合打卡拍照，遠影係碼頭造型的建築物，近影就可以影到地面及用大量木頭裝飾嘅建築物四周，睇落嘅效果就好似真係喺船上。順帶一提，呢度都係影婚紗照嘅聖地，有好多新人喜歡將船頭造型影到入婚紗照中，意思係自己嘅人生亦將要有新嘅航程。

Photo from Instagram

大棧橋
地址 :橫濱市中區海岸通1-1-4
交通 :日本大通站徒步5分鐘 / 搭橫濱觀光週遊巴士可到門口
營業時間 : 無

橫濱港未來21 －象鼻公園
象鼻公園唔係得個名㗎，真係有象鼻喺入面！咩意思呢？喺園區外面先觀察園區地圖，會發現防波堤有啲似大笨象鼻子，再實際走到防波堤去睇下，就真係發現個防波堤建造弧度的確似象鼻！公園內有展示空間，放左一隻大大隻嘅造型象。呢度都幾啱做親子景點，好多家長選擇帶小朋友黎草地上面玩，一輪跑跑跳跳過後，可以訓喺草地上仰望天空休息，非常悠閒～

Photo from 象の鼻テラス Official Facebook

Photo from Instagram

象鼻公園
地址 :横浜市中区海岸通1丁目
交通 :日本大通站出口１徒歩約3分、出口2徒歩約5分
營業時間 :10:00－18:00

港見丘公園
位於元町中華街站東邊嘅港見丘公園，屬於靠近住宅區嘅景點。喺公國呢邊可拍到橫濱港嘅大景點，例如港未來21、橫濱跨海大橋。另外，對比起其他山下公園或者象鼻公園，黎港見丘公園參觀嘅遊客比較下少好多，環境優美又清淨，好適合帶食物黎野餐。因為靠近海邊，夜晚時份開始感受到陣陣海風，所以建議如果想夜晚時份去嘅話帶件外套去，唔好冷親！