巴士男上層「腿張開」瞓覺 豪邁姿勢踩樓梯扶手 網友：流動婦科產檢？！

最近有網民於網上分享照片，指自己早前乘坐巴士上層時，無意中看到另一輛巴士上層出現「奇觀」！對面巴士竟有一位身穿短褲的男乘客橫躺在上層樓梯口座位，「腿張開」雙腿直踩扶手，姿勢豪邁又張狂，引起不少網民怒斥該名短褲男沒公德心同時，更有網友嘲笑其姿勢似「婦科產檢」並建議「奇招」出招對付！

Photo from Facebook圖片

近日，有網友於Facebook群組「車cam L（香港群組）」上傳照片，並配文表示：「如果大家有機會搭巴士上層，見到對面車呢個畫面」。從照片中可見，樓主對面車廂上層位置，有一名穿著短褲的男子橫躺於樓梯口的雙人座位，其雙腳張開分別踩於樓梯口左右兩邊扶手，姿勢十分張狂，若有乘客從下層行樓梯至上層，必定被困於短褲男雙腿之間，令網友不禁大嘆是「巴士生態奇觀」！

Photo from Facebook圖片

帖文一出，馬上引來大批網友留言批評該名男乘客，「人渣，自私，冇人格。」、「好想，伸佢一腳」、「其實咁想瞓，去上層最後面個排凳瞓囉，喺正個上落樓梯位會唔會過份咗？」。亦有人笑稱：「買咗個榴連，可惜我唔係搭呢班車」、「舒適堡？」、「練習生仔姐」、「生產中?」、「做咩啊？產檢啊。」，更指似足電影《大內密探零零發》中的經典一幕，「大夫～～～～～」。

Photo from 《大內密探零零發》劇照

另外亦有網民紛紛提出「解決方法」，建議樓主可以：「𢭃下佢X袋」、「葉問：試下入佢中路」、「呢個可以入佢中路，唔駛同佢搏拳」、「偷佢桃，即刻落車」「手刀劈落去」、「助跑兜腳撐落去…」、「梗係落車嘅時候一嘢撞開佢啦」，相當爆笑！

Photo from 網上圖片

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）