微辣前成員R見面會$980被嫌貴回應拎古天樂同自己比：我值得？！

By Macy Sun on 20 Sep 2024

Digital Editor

YouTube頻道微辣前經理人阿晶去年輕生，事件令微辣暫停更新，旗下藝人被抵制紛紛「潛水」。而事隔一年多，藝人們亦開始陸續露面。其中成員李熙媛（Rosalina，R）就在早前宣布，將在周六（9月21日）舉行見面會與粉絲見面，不過卻被網民嫌收費太貴。而她其後亦有回應，更攞古天樂與自己比較，大呼「我值得」？！

Photo from IG@rosalina1114

Photo from 影片截圖

YouTube頻道微辣已為人母的前成員Rosalina過往以知性、智慧等做定位，近日她就宣布將在9月21日在香港首個線下見面會《This is R首次線下見面會！（aka Share with R）》！見面會簡介中亦標明要跟「同頻」的人見面、深度交流：「我要跑出網絡世界見你哋啦！我要將我嘅能量同熱情畀同頻嘅人！來就睇吓我呢個突然想做嘅快閃見面會，見到幾多有趣嘅人我哋到時見」、「請帶住目的嚟見我，請諗清楚嚟搵我嘅原因」

Photo from IG@rosalina1114

Photo from 網上圖片

據資料顯示，見面會將於9月21日於九龍區舉行，全程4小時，費用$980，然而看到收費有不少網民都直至她「獅子開大口」，提到就算天王巨星開演唱會都未必需要$980！而安排公布後，R亦表示有收到不少私訊，投訴收費過高，對此她日前就有在IG發長文作出回應。

Photo from IG@rosalina1114

R在長文中指，這是邏輯性問題，更以古天樂開見面會來自比：「最後，都講樣邏輯性既野。我知有好多人Dm，覺得好貴。其實呢個就係每個人，自己評估價值既問題，係我角度，我會想像古天樂開見會面（見面會），我時間啱價錢啱，我就會比錢去見佢。（我拎自己同古天樂比？yes! Why not？佢又係人，我又係人；任何明星喺我眼中都係一個人only）價錢亦代表呢個人係你心目中嘅價值。所以我標價越高，我搵到既同頻越一致。因為係你心目中，我值得。」

Photo from IG@rosalina1114

R又表示這是供求問題，有需要就買，覺得價錢唔啱就不要買，並稱：「但我係一個配得感好高既人，我覺得我絕對值呢個價格，我仲只會越黎越貴，因為我每日都進步緊，我每日都係更好既自己。我既時間同能量好寶貴，我會留返比值得既人。同埋平時我依然有時間，就會覆有需要既人，但一定唔係密同隨緣。生活遇見我既，隨時可以過黎同我傾計。我依然會出片，出post，出story，呢啲全部都係免費。我永遠係我，我永遠會堅持做我認為啱既野。」

Photo from IG@rosalina1114

而其實古天樂早前的確有宣布，竟將為自己10月的生日舉行生日會，收費則定價在會員價$300、非會員$500，收費比R的見面會更低。另外網民在看到R的回應後，亦有批評她自視過高：「自己唔尷尬先好嘢」、「又活係自己世界」、「會唔會自視高左（咗）？」。更有網民貼出人氣AV女優河北彩伽 (前名：河北彩花) 的見面會價錢表作比較，指價錢都比R的見面會收費更便宜：「搵河北彩花仲好」。