試飲旺角街頭季節限定特飲！熱賣芝士奶蓋飲品及水果茶！人氣之選你試過未呢～

喺旺角掃街食野食到好口乾，想買番杯飲品解下渴嘅話，不妨試下近幾個月好火紅嘅「東喜茶」！近排好興芝士奶蓋，而呢系列飲品係店鋪嘅主打，正正就係一系列嘅芝士好蓋飲品及水果茶，行過旺角嘅時候有冇試過呢？

位於旺角豉油街嘅東喜茶，鄰近一帶都係各類型嘅小食店，所以如果喺嗰度掃街嘅朋友想買杯野飲解下渴嘅話，去試下佢地嘅飲品都係好方便同順路！

Photo from Presslogic

Photo from Presslogic

店鋪嘅飲品堆選擇都算多，而且有別於一般嘅飲品鋪賣台式飲品，佢地係主打一系列嘅芝士奶蓋飲品及水果茶。除此之外，東喜茶會隨著不同嘅時間同季節，推出季節限定新品，款式新穎！

Photo from Presslogic

Photo from Presslogic

芝士火火
呢款係屬於季節限定之一，顏色非常搶眼～所謂芝士火火即係以原隻火龍果混合冰和茶來打成，打成出黎既口感好細滑，而且火龍果嘅味道非常濃郁。上層鋪上芝士奶蓋，芝士味道同火龍果嘅微酸配搭出來都唔錯，而且火龍果嘅飲料喺出面比較少見，值得一試！

Photo from Presslogic

芝士瓜瓜
同樣屬於季節限定款式嘅芝士瓜瓜，外型都好吸引，白色奶蓋配底層紅紅嘅西瓜汁，漸層效果打卡一流～飲嘅時候先係品嚐到厚厚一層濃郁嘅芝士奶蓋，接著就係好清甜嘅西瓜果茶沙冰，口感同樣細滑，唔會飲到粒粒冰塊～

Photo from Presslogic

鍾意啖啖濃濃芝士味嘅朋友揀奶蓋飲品要普通全脂奶蓋就可以，但如果想飲得light啲，又或者係比較鍾意淡淡嘅芝士香嘅話，店舖都有提供低脂奶蓋比客人選擇。

Photo from Presslogic

霸氣橙子
從透明膠杯外已經見到有大大塊香橙片喺入面嘅霸氣橙子，用料好足～除咗鮮橙片外，仲有檸檬同青檸片，味道酸酸甜甜咁好夾，清涼又解渴！

Photo from Presslogic

Photo from Presslogic

東喜茶
旺角豉油街33號地下A舖
地址：港鐵旺角站 E2 出口, 步行約6分鐘
營業時間：星期一至四 12:00-22:00
星期五至日 11:00-23:00
電話：29509992

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）