林穎彤最新近況曝光 官非令星途受阻 拍片剖白感受：唔癡線都算係咁！

現年31歲的TVB小花林穎彤（Bella）去年捲入JPEX案風波，又被控「在醫院作出擾亂秩序的行為」罪，有指她當時被TVB「召見」兼暫停所有工作，星途危危乎。於是她其後就索性讀書增值自己，7月成功修畢「應用營養學及營養補助劑基礎證書」課程。而日前她就在IG分享影片，分享自己最新動向，並直認「搵返自己」？！

Photo from IG@bella_lam

林穎彤（Bella）近日以「找尋自我之旅」為題於IG上載了兩條影片，其中第一條影片就提到：「『你覺得你清唔清楚你自己啊？』呢兩年經歷嘅事，令我脫胎換骨，好似一個全新嘅人咁，我改變咗好多，我夠膽講而家真係幾了解自己！大家成日可能有種感覺，唔知我去咗邊，搞緊乜，個人其實係點？因為真係好少同大家講自己嘢亦都唔習慣解釋，總之就收收埋埋咁啦！」Bella其後續指經過上天送給她很多人生挑戰後，終讓她拋開過往自己俾自己的枷鎖，勇敢地大大力翻開人生新一頁，她亦有感而發表示：「真係人生如戲，其實發生咁多事唔癡線都算係咁，不過真係好多謝呢啲經歷，如果唔係仲懵吓懵吓，方向對了就不怕路長，有了目標夢想就不遠」。

Photo from IG@bella_lam

Photo from IG@bella_lam

Bella另外亦有提到自己近年的生活狀況，她坦言這兩年經歷了很多，踏入30歲後思想亦有好大轉變，「畢竟由童星開始計起，已從事演藝工作20年，一直覺得做到自己喜歡嘅事，又可以養到屋企，都幾開心，算是完成使命。但係人大咗漸漸想搵一些工作以外，令自己心靈滿足嘅事去學去試，於是乎我就去讀咗手作護膚品導師課程，及修讀應用營養學及營養補充劑證書課程，慢慢減少了幕前工作，因為我覺得學習嘅過程令我搵返自己，好滿足！但係你點都估唔到，開啟了快樂找尋自我之旅，之後……人生不如意的各種衝擊亦都隨之而來……。」

Photo from IG@bella_lam

Photo from IG@bella_lam

在第二條影片中，Bella就透露了去年8月被控「擾亂罪」一度被鎖上手銬，被羈留了三天的經歷。她憶述：「當日我開開心心全程投入上學進修生涯，有一日如常同家姐傾電話，打算晚上同朋友食飯之前，過去陪佢一陣，點知…就俾人拉咗，仲羈留咗三日，當時我律師打畀我媽咪，同佢講聲唔使擔心我失咗蹤，順便麻煩佢幫手拎啲所需用品畀我，但我媽好搞笑，以為詐騙電話，cut咗律師線。三日之後我由羈留室直接鎖上法庭，再經歷不斷上庭審訊嘅日子，足足一年後罪名不成立還我清白，當時真係流咗兩行眼淚出嚟。」

Photo from IG@bella_lam

Photo from IG@bella_lam

影片上傳後，不少網友都有紛紛留言為Bella打氣，「人生總會有高有低，有經歷先會成長。為訂立自己嘅目標努力，加油，支持妳」、「有目標，有進步係好事，繼續加油！」、「加油Bella」等。但同時就有其他網民質疑「又正能量人生教導師咁」、「又營養師」、「又讀營養？歐倩怡？」、「但佢d事都係自己搞出黎」

Photo from IG@bella_lam

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）