林欣彤獻唱「掌心雷」出貓睇歌詞網友嘆：恨鐵不成鋼表表者！

By Macy Sun on 04 Oct 2024

Digital Editor

當年憑《超級巨聲》入行的「小巨肺」林欣彤（Mag）月前離開唱片公司後，現時獨立發展。而日前她出席活動，就連唱三首金曲《番梘》、《鐵樹》和《林中鳥》顯唱功，只是當唱到《鐵樹》時她卻突然「出貓」睇手掌望歌詞，此行為引起網友討論，更感嘆Mag是「恨鐵不成鋼表表者」？！

Photo from IG@maglam_

事源林欣彤（Mag）日前出席《元滿75齊心賀國慶音樂會》進行獻唱，其中演唱到《鐵樹》一曲時，就突然「出貓」睇手掌，原來她在手掌上寫了歌詞提示自己。而據知，在表演後Mag有為此解畫，表示：「頭先點解我要出貓呢？因為呢首歌紀錄咗我好孤獨，自言自語，有日神迹救咗我，耶穌同我解咗個魔咒……」於是把「閒餘時間要有智慧看看書」歌詞改成「要有智慧看《聖經》」，希望讓大家更認識她的信仰，但此舉還是令一眾網友感到失望。

Photo from Youtube影片截圖

近日有網友在Threads上發長文，發表對Mag是次「掌心雷」出貓事件的看法，指被當天的表演嚇到：「係網上睇到Mag琴日嘅表演聽到呢段真係嚇親見到要掌心雷出貓都已經奇怪之後仲要改詞『閒餘時間要有智慧看聖經』我覺得想傳福音可以直接出首歌好似佢首《告訴我》或者（好似）Janice Sammi咁出福音碟但喺原本歌詞上咁改法實在太牽強」另外，網友更提到明白信仰曾幫助Mag從低谷及痛楚解脫，但就指出「信主後佢成個character都唔同左」、「做訪問都話收到好多神嘅calling叫佢要點做點做」、「唱腔上又練左好多怒音」等。

Photo from IG@maglam_

帖文一出後亦引來其他網友熱烈討論，不少人都認同發帖網友看法指：「以前feel到佢係好抑鬱但係要扮開心所以顯得個人有啲神神化化依家係向咗另一個極端嘅走火入魔不嬲幾鐘意佢啲歌但係見到佢變成咁都好心酸」、「恨鐵不成鋼表表者原來唔係得我一個咁諗《一千零一次人生》時期唱功同所有野真係佢嘅巔峰有感情有技巧英皇嗰期真係幫佢喺唱歌方面執好咗好多離巢之後就慢慢衰退仲要玩自學出晒事」、「其實聽咗佢咁多年佢有啲歌係好聽嘅但真係上唔到一線真心有種恨鐵不成鋼嘅感覺」等。