傳湯洛雯成功懷孕佗B有喜？馬國明IG發文疑暗示將做爸爸！

馬國明與湯洛雯去年12月結婚，婚後就曾表示會順其自然迎接小生命，令不少粉絲都相當期待！而今日（21日）就似迎來好消息，馬國明於IG社交平台上發文，透露自己收拾家中雜物，更疑似暗示有新身份，令網民紛紛猜測湯洛雯是否成功懷孕，並齊齊恭喜二人「升呢」做爸媽！

Photo from IG圖片

馬國明今日（21日）突然於IG社交平台上發文，指自己正在收拾一批玩具、寫真集等物品到迷你倉：「正所謂：「Happy wife! Happy life!」做咗差不多一年人夫，最緊要學識「斷捨離」！早排搬屋好鬼忙，趁住「馬國明天放假」，等我Pack好晒啲珍藏同雜物放入迷你倉，為咗迎接人生嘅新一頁、新身份而騰出更多空間！千祈唔好俾空間限制你嘅想像！」

Photo from IG圖片

Photo from IG圖片

帖文引起網民紛紛猜測湯洛雯是否成功已懷孕，並馬上留言恭喜馬明，「恭喜馬明！喺咪要騰出多啲空間俾BB？」、「靚湯有咗？⁠恭喜⁠恭喜！」、「準備BB房? 恭喜哂」，就連馬明圈中好友亦忍不住詢問是否有喜事要宣布！不過其後有媒體向馬明查詢，他就笑稱：「哈哈哈唔係呀廣告嚟架，嗰句新身份係做人老公啫，大家唔好誤會，都係隨緣哈哈哈，都開心嘅你地戥我開心，如果有消息再通知你，暫時未有。」至於湯洛雯其後亦有在帖文下留言：「真係引起咗無限想像同誤會」，解釋這次傳聞。

Photo from IG圖片

而其實早前就曾有報道指馬國明與湯洛雯兩夫妻，為求成功造人而「馬明三遷」，由將軍澳搬到何文田，最近更升呢搬至月租7萬的九肚山豪宅，越搬越大、越住越豪，令馬明將榮升爸爸的傳聞四起！雖然今次馬明就指暫時未有好消息，不過見兩人時常高調放閃恩愛非常，相信距離報喜之日亦不會太遠！

Photo from IG圖片

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）