【日本旅遊】港人福音！遊日上網唔使漫遊費　網民：日本直頭變成第二頭家！

去旅行，上網數據不外乎去鴨記買卡、跟台申請Pass或租蛋逐日計。如果想去耐少少，例如而家好興嘅「旅居」，兩邊同時交錢條數會好襟計。3台有個新Plan真係值得講一講，破天荒只需一個月費，數據香港同日本通用，甚至你喺日本住足1個月，全數30GB都可以喺日本用晒，完全自由分配。實際係點操作？又有冇伏位？即刻睇埋落去。

免漫遊費* 真正做到港日兩地數據通用

據了解，「5G 數據港日自遊行」月費計劃 (港日Plan) 都係呢幾日先推出，亦係全港第一個電訊商有呢個玩法。以為月費好貴？但原來月費只係$168就每月有30GB嘅香港同日本嘅共用數據，收費同平時用開嘅Plan差唔多，但呢個港日Plan有齊兩地數據會抵玩好多，真正可以「撈埋用」，唔係好似傳統外遊數據Plan咁以日數/用量收費！而正常用量下，每月30GB數據都已經好夠用，即使用晒30GB，喺香港依然可以有高達1Mbps網速數據繼續用。

值得一提係，港日Plan仲有「雙網絡保障」，可以用到日本兩大電訊商，好處係當收得唔好時，可隨時切換轉台，尤其去人生路不熟鄉下地方嘅話，呢個「轉台」功能隨時救你一命！唔似出面買SIM淨係駁到一個網絡。

免換卡 免另外申請 落機即通最方便

根據過往去日本經驗，日日開地圖搵路、睇搭車、搵嘢食，好易Chur晒每日上限嘅數據，直跌龜速，連睇個IG story都有困難。3台嘅港日Plan就爽手得多，每月30GB數據，喺香港同日本完全自由用，淨係呢樣都十分吸引！

雖然仲有好多人會揀鴨記SIM，但要有心理準備要掃街格價，同小心黑店，因為經常聽到有用家反映買到過期/失效SIM卡。買貴事小，落機先發現用唔到就非常麻煩！當地機場出卡雖然比較可靠，但價格都較高，好多時都要排隊，同時或需實名登記，步驟繁複。如果半夜落機，無論機場或街邊舖頭都關晒門，半夜三更買唔到SIM卡上唔到網嘅話都幾無助㗎。

無料追加：最受歡迎購物優惠 跟Plan送晒俾你

去日本點會忍到手唔Shopping。3台都好識做，搵埋一堆「3旅友優惠」，由機票酒店、到日本當地大丸百貨、松本清藥妝、Bic Camera電器優惠都有，最抵死係佢明知你會買到一袋二袋，幫你搵埋行李運送優惠，等你買得更放肆！而呢啲優惠都會不定期更新㗎～

唔止日本 拎去內地澳門用都得　癲！

同時，個plan仲可以升級加購埋大灣區數據通用服務，每月只係加$28。計落月費唔使$200 ($168 + $28)^ ，你嘅數據就可以喺日本、香港、內地、澳門四個地方都用到！

唯一壞處：飛多咗日本！

港日Plan只係月費$168， 30GB數據兩地互通用，又有咁多旅友優惠，冇理由唔飛多幾轉日本，每個月荷包都大出血……

暗藏優惠：原來有得搶YOASOBI演唱會免費飛

而家旺角3Shop有個超吸睛嘅日式許願亭，Set up勁有日本Feel，路過就入去打個卡啦，入舗仲可以寫低祈福願望，快啲去祈福嚟緊旅行買爆篋，兼搶到YOASOBI免費飛啦！

了解詳情：https://bit.ly/3UjcdSA
門市：https://bit.ly/3YrLPXY
熱線：1033>按1-1- # 直達專員

^須另繳$28/月行政費。