汪明荃主持大騷發台瘟 犯1致命錯誤 森美8字神救場獲讚：佢轉數堅快！

現年77歲的汪明荃（阿姐）日前主持TVB慈善節目《善心滿載仁愛堂》，怎料在開場部分竟然突然發台瘟講錯主辦方名字，令場面一度尷尬。其後幸得同場另一主持森美即場，一句說話神救場，獲網友大讚：「佢轉數堅快」！

Photo from TVB節目截圖

汪明荃（阿姐）一直有TVB首席司儀之美譽，曾主持TVB台慶、節目晚宴、慈善活動節目等多個大型節目，都甚少看見阿姐會出錯。然而在日前TVB慈善節目《善心滿載仁愛堂》中，阿姐再度擔任主持，未知是否因為近排為練習演唱會太累，竟在節目開場部分犯下大錯，讀錯了主辦方的名稱，將活動主辦方「仁愛堂」誤稱為「同仁堂」，令一眾觀眾都感到意外：「大家好，啱啱由『同仁堂』……仁愛堂，啱啱由仁愛堂嘅董事局成員，受惠嘅老人家同埋小朋友，仲有學生，仲有歌手，同埋我嘅藝員打響頭陣，將佢哋善心滿載仁愛堂。」

Photo from TVB節目截圖

一聽到阿姐口誤講錯主辦方名字，身後的董事會成員甚至是身旁的麥美恩都一臉尷尬。其後幸得同為節目主持人的森美即刻執生，用一句「Yeah~~~」來接力發言，並用8字化解尷尬「同仁同愛同心同行，目的要打開善心之門，幫助有需要的人」，極有急才！

Photo from TVB節目截圖

而當日節目出街後亦在網上被瘋傳，不少網民都擔心阿姐：「頭先咁啱睇電視，聽到汪阿姐叫仁愛堂講錯咗同仁堂 同埋聽佢講嘢好似有啲唔精神 阿姐你好嗎」」、「應該因為日頭去演唱會綵排嚟 攰得滯」、「排練演唱會太攰」。亦有網民大讚森美的表現，大讚：「森美救場救得勁靚」、「森美大哥好嘢」、「大哥好叻叻呀」、「佢轉數堅快！」、「森美個腦好快」。

Photo from TVB節目截圖

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）