歐倩怡談婚變被抨擊委屈喊足3日3夜：我真係唔知自己做錯乜？

By Macy Sun on 30 Oct 2024

Digital Editor

44歲的歐倩怡（Cindy）於今年5月宣布與結婚18年的郭晉安離婚，最近重新復出於幕前。而早前她就曾在網台節目中爆料，指前夫在她生病時對她漠不關心，引起了廣泛的關注，不過郭晉安隨後就公開澄清事件，讓歐倩怡的說法受到質疑。直到日前，歐倩怡再次提及此事件，就抱怨因網上負評而哭了3天3夜！

歐倩怡（Cindy）與郭晉安離婚後活躍於幕前，今年6月份時就曾上《絲打圍爐》節目大談感情事，更大爆4年前曾生大病，不但嘔吐﹑呼吸困難，更嚴重到失禁，最終暈倒。而Cindy就指當時老公郭晉安就對她漠不關心，只是給她一個痰罐讓她嘔吐，以至他醒來時發現自己「成個頭塞喺痰罐入面」。言論當時受到極大關注，不過其後郭晉安就公開澄清，表示家中並沒有痰罐，將矛頭反指向Cindy！

Photo from 影片截圖

而日前Cindy接受訪問時再談與郭晉安離婚一事，並稱公開離婚消息後引來唔少網民負評令其相當委屈：「我完全冇諗過個訪問出街之後，會惹來咁多嘅負評，大家冇見我咁多年，你唔知身體出現過咩問題，我經歷過啲乜嘢，我只係純粹分享，冇任何意圖或企圖做任何嘢，坦白講嗰件事之後，我匿埋咗屋企喊咗3日3夜！我真係喊咗3日3夜，覺得好心碎，努力咗咁多年冇俾人讚過，只換嚟一堆抨擊，呢啲唔係我想要嘅反應，我真係唔知自己做錯乜？覺得連呼吸都有罪。」

Photo from HOYTV截圖

Cindy亦坦言「復出」後有不少壓力：「好多人同我講，依家嘅娛樂圈同我20幾歲時嘅娛樂圈分別好大，以前我做宣傳嘅時候，係得我一個單向面對傳媒，但依家多咗好多網上媒體，只要有人留言，就會引伸好多唔同話題，近排都會緊張同埋驚，其實你睇番我20幾年前嘅訪問，我都係一個好多嘢講嘅人，大家冇見我咁多年，可能同大家預期嘅唔同，覺得我好似冇長大過！其實我不嬲都係咁！」

Photo from HOYTV截圖

Cindy此次公開大呻委屈，傷心到喊足3日3夜，有網友同情表示：「其實佢只係一個離左婚的女人無外遇無不良嗜好佢靠自己去揾食努力增值我唔明大家做乜咁憎佢佢可能太耐無係呢個圈唔識交際遮但未至於死罪吧？」，但亦有一部分網友直指Cindy「玻璃心」：「咁大個人咁玻璃心」、「有咩好喊，成個小人咁。咩時代，大家都知網上言論真實性」、「離婚咁耐自己一個做獨腳戲引人注意，唔啱心水又扮慘」等。