53歲江美儀自爆玩交友App 想約會精壯男「炮友」：我想出事呀！

By Macy Sun on 07 Nov 2024

Digital Editor

現年53歲的江美儀與吳君如胞弟吳君祥拍拖11年，2018年時被爆原來二人早於2006年已於西雅圖註冊結婚，最後2016年離婚。而Dry足8年的江美儀早前與吳家樂主持YouTube頻道節目《娛樂好好玩》時，就自爆原來現在有玩交友Apps，更語出驚人提到想約會精壯男「炮友」？！

Photo from 微博圖片

江美儀與吳家樂日前在YouTube頻道節目《娛樂好好玩》中提到婚姻介紹所，期間單身多年的江美儀忽然自爆自身經歷，透露認識一位專業人士的朋友，最近成功在交友App覓得真愛，拍拖年多準備求婚，於是她便膽粗粗一試：「佢仲教我第一次見面千祈唔好食晚飯，有咩事『彈鐘』就早啲走，飲杯咖啡咪好囉。」了解後，她便細心挑選了幾個交友App登記課金入會，希望可以認識高質對象：「我登記咗幾個，有啲同我傾過偈、閒聊，我放咗自己張相上去，其中一個交友App以為係假江美儀，仲封咗我，應該有人舉報。」她更提到方力申和麥明詩都有曾經試過有交友賬號被封！

Photo from Youtube截圖

不過，江美儀亦擔心被人發現她的真正身份，所以現階段只貼側面相片，而且用其他名字，她認真地說：「我真係想搵對象！（擔心人知你身份？）所以初初唔係香港，搵外國人，內地都有搵。」有網民即提醒江美儀要小心，皆因交友App很多人的目的是「約炮友」，江美儀聽後哈哈大笑說：「我都係，我冇話我唔係，我就係想咁之嘛，你哋以為我做乜，搵真愛呀，哈哈哈！」

Photo from IG圖片

她其後亦有透露已選的男士年齡要求：「我set咗35-40歲。」吳家樂問是否想精壯一些？江美儀老實不客氣說：「梗係啦大佬，又拍痰呀！」吳家樂問是否想驅風？她說：「佢將我陰霾驅走，賜我新生命，新前途。」而不少網民都指十分期待收到江美儀好消息，更有人留言希望她三年抱兩，亦有人叫她注意安全，對此江美儀就無奈說：「放心，我依家好難㗎嘞，好難會出事㗎嘞，我想出事呀，綁住個男人嘛，但依家難呀大佬！」